ନୂଆଦିଲ୍ଲୀ: ଦେଶରେ ଥିବା ଆଇଆଇଟିର ନିର୍ଦ୍ଦେଶକଙ୍କୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ଦିନ 11ଟା ସମୟରେ ଭର୍ଚ୍ଚୁଆଲ କାର୍ଯ୍ୟକ୍ରମରେ ସାମିଲ ହେବେ । ଏହି ଅବସରରେ ନୂତନ ଭାବେ ନିଯୁକ୍ତ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଉପସ୍ଥିତ ରହିବେ । କୋରୋନା ପାଇଁ ମୋଦିଙ୍କ କେନ୍ଦ୍ର କ୍ୟାବିନେଟ ସମ୍ପ୍ରସାରଣ ବିଳମ୍ବ ହୋଇଥିଲା । ପୂର୍ବତନ ଶିକ୍ଷା ମନ୍ତ୍ରୀ ରମେଶ ପୋଖରିଆଲଙ୍କ ସମେତ 11 ଜଣ ମନ୍ତ୍ରୀଙ୍କୁ କ୍ୟାବିନେଟରୁ ବାଦ ଦେଇଛନ୍ତି ମୋଦି ।
ଫେବୃଆରୀ ମାସରେ, ଆଇଆଇଟି ଖଡକପୁରର 66 ତମ ସମାରୋହରେ ପ୍ରଧାନମନ୍ତ୍ରୀ ମୋଦୀ ଛାତ୍ରମାନଙ୍କୁ ସେମାନଙ୍କର ଆତ୍ମବିଶ୍ୱାସ, ଆତ୍ମ-ସଚେତନତା ଏବଂ ନିସ୍ବାର୍ଥପର ମନ୍ତ୍ର ଅନୁସରଣ କରିବା ପାଇଁ ଉଦବୋଧନ ଦେଇଥିଲେ । ସେମାନଙ୍କର ସାମର୍ଥ୍ୟକୁ ଚିହ୍ନିବା ଏବଂ ଆତ୍ମବିଶ୍ବାସରେ ଆଗକୁ ବଢିବାକୁ ଅନୁରୋଧ କରିଥିଲେ।
