West Asia crisis: ଇଜିପ୍ଟ ରାଷ୍ଟ୍ରପତିଙ୍କ ସହ କଥା ହେଲେ ମୋଦି

ଇଜିପ୍ଟ ରାଷ୍ଟ୍ରପତିଙ୍କ ସହ କଥା ହେଲେ ପ୍ରଧାନମନ୍ତ୍ରୀ ମୋଦି । ଗାଜାରେ ଓ ପାଲେଷ୍ଟାଇନରେ ସୃଷ୍ଟି ହୋଇଥିବା ମାନବୀୟ ସଙ୍କଟ ନେଇ ଆଲୋଚନା । ଅଧିକ ପଢନ୍ତୁ

ନୂଆଦିଲ୍ଲୀ: ଇସ୍ରାଏଲ-ହମାସ ମଧ୍ୟରେ ଚାଲିଥିବା ଯୁଦ୍ଧ କାରଣରୁ ମଧ୍ୟପ୍ରାଚ୍ୟରେ ସୃଷ୍ଟି ହୋଇଥିବା ମାନବୀୟ ସଙ୍କଟ ସ୍ଥିତି ନେଇ ଇଜିପ୍ଟ ରାଷ୍ଟ୍ରପତିଙ୍କ ସହ ଫୋନରେ କଥା ହେଲେ ପ୍ରଧାନମନ୍ତ୍ରୀ ମୋଦି । ଇଜିପ୍ଟ ରାଷ୍ଟ୍ରପତି ଅବଦଲ ଫତେହ ଅଲ ସିସି ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ ଗତକାଲି ସଂଧ୍ୟାରେ ହୋଇଥିବା ଟେଲିଫୋନିକ ବାର୍ତ୍ତାଳାପରେ ସେଠାରେ ସୃଷ୍ଟି ହୋଇଥିବା ମାନବୀୟ ସଙ୍କଟ ଉପରେ ଆଲୋଚନା ହୋଇଛି । ଏନେଇ ପ୍ରଧାନମନ୍ତ୍ରୀ ନିଜେ ଏକ୍ସରେ ସୂଚନା ଦେଇଛନ୍ତି ।

• Yesterday, spoke with President @AlsisiOfficial. Exchanged views on the deteriorating security and humanitarian situation in West Asia. We share concerns regarding terrorism, violence and loss of civilian lives. We agree on the need for early restoration of peace and stability…

  — Narendra Modi (@narendramodi) October 29, 2023 " class="align-text-top noRightClick twitterSection" data="

  Yesterday, spoke with President @AlsisiOfficial. Exchanged views on the deteriorating security and humanitarian situation in West Asia. We share concerns regarding terrorism, violence and loss of civilian lives. We agree on the need for early restoration of peace and stability…

  — Narendra Modi (@narendramodi) October 29, 2023

  ">

  Yesterday, spoke with President @AlsisiOfficial. Exchanged views on the deteriorating security and humanitarian situation in West Asia. We share concerns regarding terrorism, violence and loss of civilian lives. We agree on the need for early restoration of peace and stability…

  — Narendra Modi (@narendramodi) October 29, 2023

ପ୍ରଧାନମନ୍ତ୍ରୀ ଏକ୍ସରେ ଲେଖିଛନ୍ତି, ‘‘ଗତକାଲି ଇଜିପ୍ଟ ରାଷ୍ଟ୍ରପତିଙ୍କ ସହ କଥା ହୋଇଛି । ମଧ୍ୟପ୍ରାଚ୍ୟରେ ଯୁଦ୍ଧ କାରଣରୁ ସୃଷ୍ଟି ହୋଇଥିବା ମାନବୀୟ ସଙ୍କଟ ସ୍ଥିତି ନେଇ ଆମେ ଉଦବେଗ ପ୍ରକାଶ କଲୁ । ଆତଙ୍କବାଦ, ହିଂସା ଓ ସାଧାରଣ ଲୋକଙ୍କ ପ୍ରାଣହାନୀ ଘଟଣାରେ ମଧ୍ୟ ଆମେ ଚିନ୍ତାବ୍ୟକ୍ତ କଲୁ । ସମ୍ପୃକ୍ତ ଅଞ୍ଚଳରେ ଶୀଘ୍ର ଶାନ୍ତି, ସ୍ଥିରତା ଓ ମାନବୀୟ ସହାୟତା ଯୋଗାଣ ଶୃଙ୍ଖଳା ନିଶ୍ଚିତ କରିବା ଉପରେ ମଧ୍ୟ ଆଲୋଚନା ହେଲା ।’’

ଏବେ ଗାଜା ପଟି ଇସ୍ରାଏଲ ସେନା ଦ୍ବାରା ପୁରା ଅବରୋଧ ହୋଇରହିଛି । କେବଳ ଗାଜାର ଦକ୍ଷିଣରେ ଥିବା ଇଜିପ୍ଟ ମାଧ୍ୟମରେ ହିଁ ମାନବୀୟ ସହାୟତା ସାମଗ୍ରୀ ପ୍ରେରଣ କରାଯାଉଛି । ଦକ୍ଷିଣ ଗାଜା ଓ ଇଜିପ୍ଟ ଅନ୍ତର୍ଜାତୀୟ ସୀମାରେ ଥିବା ରଫା ଅନ୍ତରାଷ୍ଟ୍ରୀୟ ବର୍ଡର ପୋଷ୍ଟ ମାଧ୍ୟମରେ ଜାତିସଂଘ ଓ ଅନ୍ୟ ଦେଶ ପଠାଇଥିବା ସହାୟତା ସାମଗ୍ରୀ ଗାଜାର ବିଭିନ୍ନ ରିଲିଫ୍‌ କ୍ୟାମ୍ପକୁ ପ୍ରେରଣ କରାଯାଉଛି । ଏହି କ୍ରମରେ ଭାରତ ମଧ୍ୟ ଆଗରେ ରହିଛି । ଭାରତ ପ୍ରଥମରୁ ହିଁ ମାନବୀୟ ସହାୟତା ସାମଗ୍ରୀ ପଠାଇବା ଜାରି ରଖିଛି ।

ପ୍ରାୟ ଦୁଇସପ୍ତାହ ଧରି ଏୟାର ଷ୍ଟ୍ରାଇକ କରିବା ପରେ ଉତ୍ତର-ଗାଜାରେ ଏବେ ଗ୍ରାଉଣ୍ଡ ଅପରେସନ ଜାରି ରଖିଛି ଇସ୍ରାଏଲ ସେନା । ଏବେ ସୁଦ୍ଧା ଗାଜାରେ ମୃତ୍ୟୁସଂଖ୍ୟା ପ୍ରାୟ 9 ହଜାର ଅତିକ୍ରମ କରିଥିବା ସନ୍ଦେହ କରାଯାଉଛି । ମୃତକଙ୍କ ମଧ୍ୟରେ ହାମାସ ଆତଙ୍କୀ ନୁହନ୍ତି ବରଂ ହଜାର ହଜାର ସାଧାରଣ ପାଲେଷ୍ଟାନୀୟ ମହିଳା, ଶିଶୁଙ୍କ ସମେତ ସାଧାରଣ ନାଗରିକ ରହିଥିବା ଗାଜା ସ୍ବାସ୍ଥ୍ୟ ମନ୍ତ୍ରଣାଳୟ ଅଭିଯୋଗ କରିଆସୁଛି । ଅନ୍ୟପଟେ ଜାତିସଂଘରେ ପାରିତ ହୋଇଥିବା ତୁରନ୍ତ ଅସ୍ତ୍ରବିରତି ପ୍ରସ୍ତାବରେ ଭାରତ ସମେତ ଏକାଧିକ ଶକ୍ତିଶାଳୀ ରାଷ୍ଟ୍ର ଭୋଟ ଦେଇନାହାନ୍ତି । ଯାହା ଫଳରେ ଭାରତର ଆଭିମୁଖ୍ୟକୁ ନେଇ ମଧ୍ୟ ବିରୋଧୀ ପ୍ରଶ୍ନ ଉଠାଇବା ଆରମ୍ଭ କଲେଣି ।

ବ୍ୟୁରୋ ରିପୋର୍ଟ, ଇଟିଭି ଭାରତ