ନୂଆଦିଲ୍ଲୀ: ବୁଦ୍ଧଙ୍କ ଏହି ଧରିତ୍ରୀର ପରମ୍ପରା ହେଉଛି ଅତିଥି ଦେବ ଭବଃ । ଅତିଥି ଆମ ପାଇଁ ଦେବତାଙ୍କ ସମାନ । ଭଗବାନ ବୁଦ୍ଧଙ୍କ ବିଚାର ଚିନ୍ତାଧାରାରେ ବିଶ୍ବାସ କରୁଥିବା ବ୍ୟକ୍ତିତ୍ବ ଆମ ସହିତ ଥିବା ସମୟରେ ଲାଗେ ସାକ୍ଷାତ ବୁଦ୍ଧ ଭଗବାନ ଆମ ସହିତ ଅଛନ୍ତି କାରଣ ବୁଦ୍ଧ ବ୍ୟକ୍ତିରୁ ଆଗକୁ ବଢି ଏକ ବୋଧ ଅଟେ । ବୁଦ୍ଧ ସ୍ବରୁପଠୁ ଅଧିକ ଏକ ଚିନ୍ତାଧାରା ବୁଦ୍ଧ ଚିତ୍ରଣରୁ ଅଧିକ ଚେତନା ଅଟେ । ବୁଦ୍ଧଙ୍କ ଏହି ଚେତନା ଚିରନ୍ତନ ଓ ନିରନ୍ତର ଏହା ଅବିସ୍ମରଣୀୟ ଏହି ଚିନ୍ତାଧାରା ଶାଶ୍ବତ । ସମଗ୍ର ମାନବତାକୁ ଗୋଟିଏ ସୁତ୍ରରେ ବାନ୍ଧି ରଖିଥାଏ ବୌଦ୍ଧ ଚେତନା । ନୂଆଦିଲ୍ଲୀରେ ଦୁଇଦିନିଆ ବିଶ୍ବ ବୌଦ୍ଧ ସମ୍ମିଳନୀକୁ ସମ୍ବୋଧନ କରି ଏହା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
-
#WATCH | Inspired by Lord Buddha’s teachings, India always thinks about world's sadness as their own, India involves in peace missions. Be it Turkey earthquake or any other crisis, India gives its best for helping people & stands with humanity: PM Modi at Global Buddhist Summit pic.twitter.com/hdUoazyVyn
— ANI (@ANI) April 20, 2023 " class="align-text-top noRightClick twitterSection" data="
">#WATCH | Inspired by Lord Buddha’s teachings, India always thinks about world's sadness as their own, India involves in peace missions. Be it Turkey earthquake or any other crisis, India gives its best for helping people & stands with humanity: PM Modi at Global Buddhist Summit pic.twitter.com/hdUoazyVyn
— ANI (@ANI) April 20, 2023#WATCH | Inspired by Lord Buddha’s teachings, India always thinks about world's sadness as their own, India involves in peace missions. Be it Turkey earthquake or any other crisis, India gives its best for helping people & stands with humanity: PM Modi at Global Buddhist Summit pic.twitter.com/hdUoazyVyn
— ANI (@ANI) April 20, 2023
ପ୍ରଧାନମନ୍ତ୍ରୀ କାର୍ଯ୍ୟକ୍ରମକୁ ସମ୍ବୋଧନ କରି ଆହୁରି କହିଛନ୍ତି,''ବୁଦ୍ଧଙ୍କ ଶିକ୍ଷା ଅନୁସରଣ କରି ଭାରତ ଅଗ୍ରଗତି କରୁଛି । ବୁଦ୍ଧଙ୍କ ଶିକ୍ଷାକୁ ଆଧାର କରି ଭାରତ ନୂଆ ପଦକ୍ଷେପ ଗ୍ରହଣ କରୁଛି । ବୁଦ୍ଧଙ୍କ ଶିକ୍ଷାରେ ଅନୁପ୍ରାଣିତ ହୋଇ ଭାରତ ବିଶ୍ବର ଦୁଃଖକୁ ନିଜର ଭାବିଛି । ଦୁନିଆର ଅଲଗା ଅଲଗା ଦେଶରେ ଶାନ୍ତି ମିଶନ ହେଉ ବା ତୁର୍କୀର ଭୂମକମ୍ପ ଭାରତ ତାର ସାମର୍ଥ୍ୟ ଲଗାଇ ଦେଇଛି । ପ୍ରତି ସଙ୍କଟରେ ଭାରତ ନିଜର ଭାବି ଛିଡା ହୋଇଛି । ସବୁ ଚ୍ୟାଲେଞ୍ଜକୁ ଆମେ କିପରି ହ୍ୟାଣ୍ଡେଲ କରୁଛେ ତାହା ଏବେ ଚର୍ଚ୍ଚାର ବିଷୟ ହୋଇଛି । ବିଶ୍ବର ସମସ୍ତ ସମସ୍ୟା ବୁଦ୍ଧିଷ୍ଟ ଶିକ୍ଷା ଦ୍ବାରା ସମାଧାନ ହେଉଛି । ଆମକୁ ମନେ ରଖିବାକୁ ହେବ ସମସ୍ୟାର ସମାଧାନ ରାସ୍ତା ହିଁ ବୁଦ୍ଧଙ୍କ ଯାତ୍ରା । ଅମୃତକାଳରେ ଭାରତ ପାଖରେ ଭବିଷ୍ୟତ ପାଇଁ ବିଶାଳ ଲକ୍ଷ୍ୟ ଓ ସଂକଳ୍ପ ରହିଛି । ଆମ ପାଇଁ ପ୍ରେରଣା ଭଗବାନ ବୁଦ୍ଧ । ବୁଦ୍ଧଙ୍କ ମାର୍ଗ ହେଉଛି ସିଦ୍ଧାନ୍ତ, ଆଭ୍ୟାସ ଓ ହୃଦୟଙ୍ଗମ । ଗତ 9 ବର୍ଷରେ ଭାରତ ଏହି 3ଟି ବିନ୍ଦୁକୁ ନେଇ ଦ୍ରୁତ ଗତିରେ ଆଗକୁ ବଢୁଛି । ବୁଦ୍ଧଙ୍କ ଶିକ୍ଷାକୁ ଜଣ ଜଣଙ୍କ ନିକଟରେ ପହଞ୍ଚାଇବାକୁ ଏକ ସମର୍ପଣ ଭାବରେ କାର୍ଯ୍ୟ କରୁଛି ।''
ଆଜି ଦୁନିଆ ଯେଉଁ ଯୁଦ୍ଧ ଓ ଆଶନ୍ତିରେ ପଡିଛି ବୁଦ୍ଧ ବହୁ ପୂର୍ବରୁ ତାର ସମାଧାନ କରି ସାରିଛନ୍ତି । ଆଧୁନିକ ବିଶ୍ବର ଏହିପରି ଅନେକ ସମସ୍ୟା ରହିଛି ଯାହାର ସମଧାନ ବହୁ ପୂର୍ବରୁ ହୋଇ ସାରିଛି । ଯେଉଁଠି ବୁଦ୍ଧଙ୍କ କରୁଣା ରହିଛି ସେଠାରେ ସଂଘର୍ଷ ନୁହେଁ ସମନ୍ବୟ ରହିଥାଏ, ଅଶାନ୍ତି ନୁହେଁ ଶାନ୍ତି ଥାଏ । ବୁଦ୍ଧଙ୍କ ମାର୍ଗ ଭବିଷ୍ୟତର ମାର୍ଗ । ଯଦି ବିଶ୍ବ ବୁଦ୍ଧଙ୍କ ଶିକ୍ଷା ଆପଣେଇ ଆଗକୁ ବଢିଥାନ୍ତା ତେବେ ବିଶ୍ବ ଉପରେ ଜଳବାୟୁ ପରି ସଂଙ୍କଟ ଆସି ନଥାନ୍ତା ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ଦିଲ୍ଲୀର ଅଶୋକ ହୋଟେଲରେ ଏହି ଦୁଇଦିନିଆ ବିଶ୍ବ ବୌଦ୍ଧ ସମ୍ମିଳନୀ କାର୍ଯ୍ୟକ୍ରମ ଆରମ୍ଭ ହୋଇଛି । ଦୁଇଦିନିଆ କାର୍ଯ୍ୟକ୍ରମରେ 30ଟି ରାଷ୍ଟ୍ର ଯୋଗ ଦେଇଛନ୍ତି । ଅନ୍ତର୍ଜାତୀୟ ବୌଦ୍ଧ ସଂଘ (ଆଇବିସି) ସହଯୋଗରେ ସଂସ୍କୃତି ମନ୍ତ୍ରଣାଳୟ ଏହି କାର୍ଯ୍ୟକ୍ରମର ଆୟୋଜନ କରିଛି । ଶ୍ରୀଲଙ୍କା, ଥାଇଲାଣ୍ଡ, ଭିଏତନାମ, ଦକ୍ଷିଣ କୋରିଆ, ଜାପାନ, ମେକ୍ସିକୋ ଓ ମିଆଁମାରର ପ୍ରତିନିଧି ଦଳ ଯୋଗ ଦେଇଛନ୍ତି । ବୌଦ୍ଧ ଧାମ ଓ ଶାନ୍ତି, ଜଳବାୟୁ ସଙ୍କଟ, ସ୍ବାସ୍ଥ୍ୟ ଓ ସ୍ଥିରତା, ନାଳନ୍ଦା ବୁଦ୍ଧିଷ୍ଟ ପରମ୍ପରା ସଂରକ୍ଷଣ ଭଳି ବିଭିନ୍ନ ପ୍ରସଙ୍ଗରେ ଆଲୋଚନା ହୋଇଛି ।
