ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ AIMIM ମୁଖ୍ୟଙ୍କ ଟାର୍ଗେଟ । ଚୀନ ପ୍ରସଙ୍ଗକୁ ନେଇ ପ୍ରଧାନମନ୍ତ୍ରୀ ମୋଦିଙ୍କ ଉପରେ ବର୍ଷିଛନ୍ତି ଆଲ ଇଣ୍ଡିଆ ମଜଲିସ-ଇ-ଇତେହାଦୁଲ ମୁସଲିମ ମୁଖ୍ୟ ଅସଦୁଦ୍ଦିନ ଓୱେସୀ । ସେ କହିଛନ୍ତି ଚୀନ ଭାରତୀୟ ଅଞ୍ଚଳ ଦଖଲ କରିଥିବା ନେଇ ତା ନାମ ନେବାକୁ ଡରୁଛନ୍ତି ପ୍ରଧାନମନ୍ତ୍ରୀ ।
ଟ୍ବିଟ କରି ଓୱେସୀ ଲେଖିଛନ୍ତି, ଚୀନ ଉପରେ ମୋଦିଙ୍କ ମୁଖପାତ୍ର ଚୀନର ଅର୍ଥନୀତି ବଏକଟ କରିବାକୁ ଦାବି କରିଛି । ଭାରତୀୟଙ୍କୁ ଚୀନର ଏଜେଣ୍ଟ ବୋଲି କହିଛନ୍ତି । ବାସ୍ତବତା ହେଉଛି ଚୀନ୍ ସହିତ ମୋଦିଙ୍କ ବାଣିଜ୍ୟ ବୃଦ୍ଧି ପାଇଥିବାବେଳେ ଏହା ଅନ୍ୟ ଦେଶମାନଙ୍କ ସହିତ ହ୍ରାସ ପାଇଛି । ଚୀନ୍ ଭାରତୀୟ ଅଞ୍ଚଳ ଦଖଲ କରିଥିଲେ ମଧ୍ୟ ଚୀନ୍ର ନାମ ନେବାକୁ ଡରୁଛନ୍ତି ପ୍ରଧାନମନ୍ତ୍ରୀ ।
ଆଫଗାନିସ୍ତାନକୁ ନେଇ ଓୱେସି କହିଛନ୍ତି ମୋଦି ସେମାନଙ୍କ ବିରୋଧୀଙ୍କୁ ତାଲିବାନୀ ବୋଲି ଡାକନ୍ତି । ମୋଦି ଆଫଗାନିସ୍ତାନ ଯାଇ 3 ବିଲିୟନ ଡଲାର ଖର୍ଚ୍ଚ କରିଛନ୍ତି । ସେ ତାଲିବାନକୁ ଆତଙ୍କବାଦୀ ସଂଗଠନ ଭାବରେ ତାଲିକାଭୁକ୍ତ କରିନାହାଁନ୍ତି । ସେ ଆହୁରି ମଧ୍ୟ କହିଛନ୍ତି ଯେ 'ତାଲିବାନ' ଶବ୍ଦ ଉଚ୍ଚାରଣ କରି ନାହାନ୍ତି ।
ଏହା ପୂର୍ବରୁ ଏକ କାର୍ଯ୍ୟକ୍ରମରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଥିଲେ ଓୱେସୀ । ଭାରତରେ ମହିଳାଙ୍କ ବିରୁଦ୍ଧରେ ଅତ୍ୟାଚାର ହେଉଥିବାବେଳେ ମୋଦି ସରକାର ଆଫଗାନିସ୍ତାନକୁ ନେଇ ଚିନ୍ତା କରୁଛନ୍ତି ବୋଲି ନିଜ ବୟାନରେ କହିଥିଲେ ଓୱେସୀ । ଓୱେସୀଙ୍କ ଏହି ବୟାନକୁ ନେଇ ପାଲଟା ଜବାବ ଦେଇଥିଲେ କେନ୍ଦ୍ରମନ୍ତ୍ରୀ ଶୋଭା କରନ୍ଦଲାଞ୍ଜେ । କେନ୍ଦ୍ର ମନ୍ତ୍ରୀ କହିଥିଲେ ତାଙ୍କ ମହିଳା ଏବଂ ସମୁଦାୟର ସୁରକ୍ଷା ପାଇଁ ଓୱେସୀଙ୍କୁ ଆଫଗାନିସ୍ତାନକୁ ପଠାଇଦେବା ଭଲ। ଏହା କେବଳ ସୁରକ୍ଷା ନୁହେଁ, ଶିଖ ଏବଂ ହିନ୍ଦୁ ସମ୍ପ୍ରଦାୟର ସଂଖ୍ୟାଲଘୁଙ୍କୁ ମଧ୍ୟ ଆଶ୍ରୟ ଦେବ।
ଆଫଗାନିସ୍ତାନରୁ 500ରୁ ଅଧିକ ଭାରତୀୟଙ୍କୁ ସ୍ଥାନାନ୍ତର କରିବାରେ ସାହାଯ୍ୟ କରିବା ପରେ ଭାରତୀୟ ବାୟୁସେନା (IAF) ପରିବହନ ବିମାନ ଦେଶର ନିଜ ନିଜ ଘରକୁ ଫେରିଛି । ଭାରତୀୟ ବାୟୁସେନା ଏହାର C-17 ଗ୍ଲୋବାମାଷ୍ଟର ଏବଂ C-130J ସୁପର ହର୍କ୍ୟୁଲ୍ସ ବିମାନକୁ ଆଫଗାନିସ୍ତାନରେ ଅଟକି ରହିଥିବା ଭାରତୀୟଙ୍କ ସ୍ଥାନାନ୍ତର କାର୍ଯ୍ୟ ପାଇଁ ନିୟୋଜିତ କରିଥିଲା । ଯାହା ବର୍ତ୍ତମାନ ତାଲିବାନର ଅଧୀନରେ ରହିଛି ।
@ANI
