ନୂଆଦିଲ୍ଲୀ: ବିଜେପି ରାଜ୍ୟସଭା ସଂସଦୀୟ ଦଳ ନେତା ହେଲେ ପିୟୁଷ ଗୋଏଲ । ପୂର୍ବରୁ ଏହି ଦାୟିତ୍ବ ଥାବର ଚନ୍ଦ୍ର ଗେହଲଟ ତୁଲାଉଥିବାବେଳେ, ଗୋଏଲ ରାଜ୍ୟସଭାରେ ଦଳର ଉପନେତା ଭାବେ ଦାୟିତ୍ବ ତୁଲାଉଥିଲେ ।
ଚଳିତ ମନ୍ତ୍ରୀମଣ୍ଡଳ ସମ୍ପ୍ରସାରଣର ପୂର୍ବରୁ ଥାବର ଚନ୍ଦ୍ର ଗେହଲଟଙ୍କୁ କର୍ଣ୍ଣାଟକର ରାଜ୍ୟପାଳ ଭାବେ ନିଯୁକ୍ତି ମିଳିବା ପରେ ଉକ୍ତ ପଦବୀ ପାଇଁ ସ୍ଥାନ ଶୂନ୍ୟ ପଡିଥିଲା । ସମ୍ପ୍ରସାରଣରେ ମଧ୍ୟ ଗୋଏଲଙ୍କ ନିକଟରୁ ରେଳ ମନ୍ତ୍ରାଣାଳୟର ଦାୟିତ୍ବ ପ୍ରତ୍ୟାହାର କରାଯାଇଥିଲା ବେଳେ ସେ ବର୍ତ୍ତମାନ ବାଣିଜ୍ୟ ଓ ଶିଳ୍ପ ମନ୍ତ୍ରୀ ଭାବେ ଦାୟିତ୍ବରେ ଅଛନ୍ତି । ତେବେ ଆଜି ଗୋଏଲଙ୍କୁ ବିଜେପିର ସ୍ଂସଦୀୟ ଦଳର ନେତା ଭାବେ ଦାୟିତ୍ବ ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
