ନୂଆଦିଲ୍ଲୀ: ତୈଳ ଦରରେ ନିଆଁ । ଦେଶରେ ଅନେକ ରାଜ୍ୟରେ ତୈଳ ଦର ୧୦୦ ପାର କରିଛି । ଯାହା ସାଧାରଣ ଲୋକଙ୍କୁ ଅସ୍ତବ୍ୟସ୍ତ କରିସାରିଲାଣି । ତେବେ ଲଗାତାର ୧୫ ଦିନ ପରେ ବି ରାଜଧାନୀ ଦିଲ୍ଲୀରେ ଅପରିବର୍ତ୍ତିତ ରହିଛି ତୈଳ ଦର । ପେଟ୍ରୋଲ ଲିଟର ପିଛା ୧୦୧.୮୪ ଟଙ୍କା ଥିବା ବେଳେ ଡିଜେଲ ଲିଟର ପିଛା ୮୯.୮୭ ଟଙ୍କା ରହିଛି ।
କୋଲକାତାରେ ପେଟ୍ରୋଲ ଓ ଡିଜେଲ ଲିଟର ପିଛା ୧୦୨.୪୯ ଓ ୯୩.୦୨ ଟଙ୍କାରେ ପହଞ୍ଚିଛି । ସେହିପରି ଚେନ୍ନାଇରେ ପେଟ୍ରୋଲ ଲିଟର ପିଛା ୧୦୨.୮୩ ଟଙ୍କା ଥିବା ବେଳେ ଡିଜେଲ ୯୪.୩୯ ଟଙ୍କା ରହିଛି । ମେ ମାସରେ ପେଟ୍ରୋଲ ମୂଲ୍ୟ 3.୮୩ ଟଙ୍କା, ଜୁନରେ ୪.୫୮ ଟଙ୍କା ଏବଂ ଜୁଲାଇରେ ୨.୭୩ ଟଙ୍କା ବୃଦ୍ଧି ପାଇଛି।
