ଗାନ୍ଧୀନଗର: ବାତ୍ୟା ତାଉ'ତେକୁ ଲକ୍ଷ୍ୟ କରି ଗୁଜୁରାଟ ସରକାର ରାଜ୍ୟର କିଛି ଅଞ୍ଚଳରେ ଲାଗିଥିବା ଆଂଶିକ ଲକଡାଉନକୁ ଆଉ 3 ଦିନ ବଢାଇଛନ୍ତି । ଫଳରେ ରାଜ୍ୟର 36ଟି ସହରରେ ଆସନ୍ତା ମେ 20 ପର୍ଯ୍ୟନ୍ତ ଏହି ଲକଡାଉନ କଟକଣା ବଳବତ୍ତର ରହିବ ବୋଲି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି ।
ଆରବ ସାଗରରେ ସୃଷ୍ଟି ହୋଇଥିବା ବାତ୍ୟା ତାଉ'ତେ ଭୟଙ୍କର ସାମୁଦ୍ରିକ ଝଡର ରୂପ ନେଇ ସୋମବାର ରାତିରେ ଗୁଜୁରାଟ ଉପକୂଳ ଛୁଇଁଥିଲା । ଫଳରେ ରାଜ୍ୟରେ 160-170 ବେଗରେ ପବନ ବହିଥିବା ବେଳେ ପ୍ରବଳ ବର୍ଷା ହୋଇଥିଲା । ବାତ୍ୟା ଲାଗି ରାଜ୍ୟରେ କୋରୋନା ସୋମବାର ଓ ମଙ୍ଗଳବାର ସ୍ଥଗିତ ରଖାଯାଇଛି । ବାତ୍ୟା ଯୋଗୁଁ ଅହମ୍ମଦାବାଦରେ ଥିବା ସର୍ଦ୍ଦାର ବଲ୍ଲଭ ଭାଇ ପଟେଲ ଅନ୍ତର୍ଜାତୀୟ ବିମାନ ବନ୍ଦରରୁ ମେ 17 ସକାଳ ସାଢେ 7ଟାରୁ ମଙ୍ଗଳବାର ସକାଳ 5ଟା ପର୍ଯ୍ୟନ୍ତ ସ୍ଥଗିତ ରଖାଯାଇଥିଲା । ବାତ୍ୟା ପାଇଁ ଅଧିକାଂଶ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିଲା ।
ଗୁଜୁରାଟରେ ସଂକ୍ରମଣ ବଢିବା ପରେ ଗତ ଏପ୍ରିଲ 25 ତାରିଖରେ ରାଜ୍ୟ ସରକାର 29 ସହରରେ ରାତ୍ରିକାଳୀନ କର୍ଫ୍ୟୁକୁ ଲାଗୁ କରିଥିଲେ । ଏହି କର୍ଫ୍ୟୁ ରାତି 8ଟାରୁ ସକାଳ 6ଟା ପର୍ଯ୍ୟନ୍ତ ଏପ୍ରିଲ 28 ତାରିଖରୁ ମେ 5 ଯାଏଁ ଲାଗୁ କରାଯାଇଥିଲା । ସଂକ୍ରମଣ ନ କମିବାରୁ ସରକାର ମେ 18 ପର୍ଯ୍ୟନ୍ତ କର୍ଫ୍ୟୁକୁ ବଳବତ୍ତର ରଖିବାକୁ ନିର୍ଦ୍ଦେଶ ଦେଇଥିଲେ ମୁଖ୍ୟମନ୍ତ୍ରୀ ବିଜୟ ରୂପାନୀ ।
@ANI
