ଖାଡେଗଙ୍କ ବିବାଦୀୟ ବୟାନ ନେଇ ଗୃହରେ ହଙ୍ଗାମା, କ୍ଷମା ଦାବି କଲା BJP

ସଂସଦ ଶୀତ ଅଧିବେଶନରେ କଂଗ୍ରେସ ବିଜେପି ମଧ୍ୟରେ ତୁ ତୁ ମେଁ ମେଁ ପରିସ୍ଥିତି ହୋଇଛି । କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାଡଗେଙ୍କ ବୟାନକୁ ନେଇ ଭୁଲ ମାଗିବାକୁ ଦାବି କରିଛି ବିଜେପି । ଅଧିକ ପଢନ୍ତୁ

ନୂଆଦିଲ୍ଲୀ: କଂଗ୍ରେସ ଅଧକ୍ଷ ମଲ୍ଲିକାର୍ଜୁନ ଖାଡଗେଙ୍କ ବିବାଦୀୟ ବୟାନକୁ ନେଇ ସଂସଦରେ ହଙ୍ଗାମା ହୋଇଛି । ବିଜେପି ଓ କଂଗ୍ରେସ ଗୃହରେ ମୁହାଁମୁହିଁ ହୋଇଛନ୍ତି । କଂଗ୍ରେସ ଅଧ୍ୟକ୍ଷ ଦେଇଥିବା ବୟାନ ପାଇଁ କ୍ଷମା ମାଗନ୍ତୁ ବୋଲି ଗୃହରେ ଦାବି କରିଛି ବିଜେପି ( bjp demand congress chief apology ) । ସେପଟେ କ୍ଷମା ନମାଗିବାକୁ ସିଧା ସିଧା ମନା କରି ଦେଇଛନ୍ତି କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାଡଗେ । କେନ୍ଦ୍ରମନ୍ତ୍ରୀ ପିୟୂଷ ଗୋଏଲ ଖାଡଗେ ନିଜ ବୟାନରେ ଅସଭ୍ୟ ଭାଷା ପ୍ରୟୋଗ କରିଥିବା କହିଛନ୍ତି । ତେଣୁ ସେ କ୍ଷମା ମାଗନ୍ତୁ ବୋଲି ଦାବି କରିଛନ୍ତି । ସେହିପରି କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ମଧ୍ୟ କଂଗ୍ରେସକୁ ଟାର୍ଗେଟ କରି କଣ ଗାନ୍ଧୀ ପରିବାର ଏପରି ଅପଶବ୍ଦକୁ ପସନ୍ଦ କରେ ବୋଲି ପ୍ରଶ୍ନ ପଚାରିଛନ୍ତି ।

• They are 'maafi maangne waale log'...What role did you play?: LoP in Rajya Sabha Mallikarjun Kharge pic.twitter.com/ZCDmBFk5Li

  — ANI (@ANI) December 20, 2022 " class="align-text-top noRightClick twitterSection" data="

  They are 'maafi maangne waale log'...What role did you play?: LoP in Rajya Sabha Mallikarjun Kharge pic.twitter.com/ZCDmBFk5Li

  — ANI (@ANI) December 20, 2022

  ">

  They are 'maafi maangne waale log'...What role did you play?: LoP in Rajya Sabha Mallikarjun Kharge pic.twitter.com/ZCDmBFk5Li

  — ANI (@ANI) December 20, 2022

ଗତକାଲି (ସୋମବାର) ରାଜସ୍ଥାନ ଅଲୱାରରେ ଏକ ଜନସଭାରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାଡଗେ ଦେଶର ସ୍ବାଧୀନତାକୁ ନେଇ ବୟାନ ଦେଇଥିଲେ । ସେ କହିଥିଲେ, '' ବହୁ ପୁରାତନ ଦଳ କଂଗ୍ରେସ ଦେଶକୁ ସ୍ବାଧୀନତା ଦେଇଥିଲା । ଏହାର ନେତା ଯେପରି ଇନ୍ଦିରା ଗାନ୍ଧୀ ଏବଂ ରାଜୀବ ଗାନ୍ଧୀ ଦେଶ ପାଇଁ ଜୀବନ ଦେଇଥିଲେ । ତୁମର (ବିଜେପି) ଘରେ ଥିବା ପୋଷା କୁକୁର ଦେଶ ପାଇଁ ଜୀବନ ଦେଇଛି କି ? ଆପଣଙ୍କ ଘରେ କେହି ଦେଶ ପାଇଁ ବଳିଦାନ ଦେଇଛି କି ? ବିଜେପି ନିଜକୁ ଦେଶଭକ୍ତ ବୋଲି ବୋଲାଉଛି କିନ୍ତୁ ଆମେ ଯେତେବେଳେ କିଛି କହିଥାଉ ସେତେବେଳେ ଆମକୁ ଦେଶଦ୍ରୋହୀ ବୋଲି କହୁଛି ।'' ଖାଡଗେଙ୍କ ଏହି ବୟାନକୁ ନେଇ ଏବେ ସଂସଦରେ ହଙ୍ଗମା ଆରମ୍ଭ ହୋଇଯାଇଥିଲା । ଶାସକ ବିରୋଧୀ ମଧ୍ୟରେ ତୁ ତୁ ମେଁ ମେଁ ପରିସ୍ଥିତି ଉପୁଜିଥିଲା । କଂଗ୍ରେସ ମଲ୍ଲିକାର୍ଜୁନଙ୍କୁ ଏହି ବୟାନ ପାଇଁ କ୍ଷମା ମାଗିବାକୁ ଦାବି କରିଥିଲେ । କଂଗ୍ରେସ ଅଧ୍ୟକ୍ଷ ବୟାନରେ ଅସଭ୍ୟ ଭାଷା ପ୍ରୟୋଗ କରିଥିବା ଗୃହରେ ଦାବି କରିଥିଲେ କେନ୍ଦ୍ରମନ୍ତ୍ରୀ ପିୟୂଷ ଗୋଏଲ ।

କଂଗ୍ରେସର କ୍ଷମା ଦାବିକୁ ନେଇ ମଲ୍ଲିକାର୍ଜୁନ କହିଛନ୍ତି, ''ମୁଁ ସଂସଦରେ ନୁହେଁ ବାହାରେ ଏଭଳି ବୟାନ ଦେଇଛି ତେଣୁ କ୍ଷମା ମାଗିବି ନାହିଁ। ସେମାନେ (ବିଜେପି) କ୍ଷମା ମାଗିବା ଲୋକ । ଯଦି ମୁଁ ବାହାରେ କହିଥିବା କଥାକୁ ଦୋହରାଏ ତେବେ ସେମାନଙ୍କ ପାଇଁ କଷ୍ଟକର ହେବ । କ୍ଷମା ମାଗିବା ଲୋକ ଲୋକଙ୍କୁ କହୁଛନ୍ତି କିଏ ସ୍ବାଧୀନତା ସଂଗ୍ରାମ କରିଥିଲା । ମୁଁ କହିଥିଲେ ଇନ୍ଦିରା ଗାନ୍ଧୀ ଏବଂ ରାଜୀବ ଗାନ୍ଧୀ ବଳିଦାନ ଦେଇଛନ୍ତି । ତୁମ ମଧ୍ୟରୁ କିଏ ଦେଶ ପାଇଁ ଜୀବନ ଦେଇଛି କି ।''