ଶ୍ରୀନଗର: ସ୍ଥାନୀୟ ଜମ୍ମୁ ଜିଲ୍ଲାରେ ବୁଧବାର ସନ୍ଧ୍ୟାରେ ଏକ ଗୁଳିକାଣ୍ଡ ଘଟିଛି । ଏଥିରେ ଜଣେ ପୋଲିସକର୍ମୀ ଆହତ ହୋଇଥିବାବେଳେ ଜଣେ ପାକିସ୍ତାନୀ କଏଦୀର ମୃତ୍ୟୁ ହୋଇଛି । ଜମ୍ମୁ ପୋଲିସ ଟ୍ବିଟ କରି କହିଛି, ପୋଲିସ କନଷ୍ଟେବଳ ଏବଂ ଲସ୍କର କମାଣ୍ଡର ଜଣେ ପାକିସ୍ତାନୀ ଆତଙ୍କବାତୀ ମହମ୍ମଦ ଅଲ୍ଲୀ ହୁସେନ ଓରଫ କାସିମ/ଜାହାଙ୍ଗୀର ଯିଏକି ଜେଲରେ ବନ୍ଦୀ ଥିଲା । ପୋଲିସ ପକ୍ଷରୁ ଅନ୍ତର୍ଜାତୀୟ ସୀମା ଆରିନିଆ ସେକ୍ଟର ତୋଫ ଗାଁରେ ନିକଟରେ ହୋଇଥିବା ସର୍ଚ୍ଚ ଅପରେସନ ସମୟରେ ଆହତ ହୋଇଥିଲେ ।
ଉଭୟଙ୍କ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ପାକିସ୍ତାନୀ କଏଦୀ ଜଣଙ୍କର ମୃତ୍ୟୁ ହୋଇଛି । ଏକ କାର୍ଯ୍ୟକାରୀ ମାଜ୍ରିଷ୍ଟ୍ରେଟ ସହ ପୋଲିସ ଟିମ କଏଦୀକୁ ନେଇ ସେହି ସ୍ଥାନ ତଲାସ କରିବାକୁ ଯାଇଥିଲେ । ପ୍ରଥମ ସ୍ଥାନରେ ପୋଲିସକୁ କିଛି ମିଳି ନଥିଲା । ଦ୍ବିତୀୟ ସ୍ଥାନରେ ଏକ ପ୍ୟାକେଟ ପୋତା ହୋଇଥିବା ଦେଖିବାକୁ ମିଳିଥିଲା । ପ୍ୟାକେଟ ଖୋଲାଯିବା ସମୟରେ ପାକିସ୍ତାନୀ କଏଦୀ ଜଣଙ୍କ ପୋଲିସ ରାଇଫଲ ଛଡାଇନେଇ ପୋଲିସ ଉପରକୁ ଗୁଳି ଚଳାଇଥିଲା ।
ଏଥିରେ ଜଣେ ପୋଲିସ କନଷ୍ଟେବଳ ଆହତ ହୋଇଛନ୍ତି । ଗୁଳି ଚଳାଇବା ପରେ କଏଦୀ ଜଣକ ଫେରାର ହେବାକୁ ଉଦ୍ୟମ କରିଥିଲା । ଉଭୟଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଡାକ୍ତର ଖାନାରେ ପାକିସ୍ତାନୀ କଏଦୀର ମୃତ୍ୟୁ ହୋଇଛି । ମାଟି ତଳୁ ମିଳିଥିବା ପ୍ୟାକେଟ ଓ ଅସ୍ତ୍ରଶସ୍ତ୍ରକୁ ବୋମା ନିଷ୍କ୍ରୟକାରୀ ଟିମକୁ ହସ୍ତାନ୍ତର କରାଯାଇଛି। ପ୍ୟାକେଟରୁ ଏକେ ରାଇଫଲ, ମାଗାଜିନ, 40 ଏକେ ଗୁଳି, ପିସ୍ତଲ ଜବତ ହୋଇଛି । ଘଟଣାକୁ ନେଇ ଅଭିଯୁକ୍ତ ଘରେ ଏନଆଇଏ ରେଡ ହୋଇଛି ।
