ନୂଆଦିଲ୍ଲୀ: ଦେଶରେ ଏବେ ଜାରି ରହିଛି କ୍ୟାମ୍ପେନ ମୋଡରେ ଟୀକାକରଣ । ଏନେଇ କେନ୍ଦ୍ର ରାଜ୍ୟ ଗୁଡିକୁ ମାଗଣାରେ ଟିକା ଯୋଗାଉଛି । ଏପର୍ଯ୍ୟନ୍ତ କେନ୍ଦ୍ର ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳ ଗୁଡିକୁ ୪୯. ୪୯ କୋଟି କୋରୋନା ଟିକା ଯୋଗାଇଛି । ଏନେଇ କେନ୍ଦ୍ର ସ୍ବାସ୍ଥ୍ୟମନ୍ତ୍ରାଳୟ ତରଫରୁ ସୂଚନା ପ୍ରଦାନ କରାଯାଇଛି ।
୪୯ କୋଟି ୪୯ ଲକ୍ଷ ୮୯ ହଜାର ୫୫୦ କୋରୋନା ଟିକାର ଡୋଜ କେନ୍ଦ୍ର ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଗୁଡିକୁ ଦେଇଛି । କିଛି ଟିକା ନଷ୍ଟ ହେବା ସହ ଏପର୍ଯନ୍ତ ୪୬ କୋଟି ୭୦ ଲକ୍ଷ ୨୬ ହଜାର ୬୬୨ ଟିକା ବ୍ୟବହାର ହୋଇଛି ।
ଏବେ ବିଭିନ୍ନ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳ ଗୁଡିକରେ ୩କୋଟି ୫୮ ହଜାର ୧୯୦ କୋଭିଡ ଟିକା ମହଜୁଦ ରହିଛି । ଅଧିକ ଟୀକାକରଣ ଉପଲବ୍ଧ ହେବା ଦ୍ୱାରା ଟୀକାକରଣ ଡ୍ରାଇଭ୍ ବୃଦ୍ଧି ପାଇଛି ବୋଲି ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି।
ଜୁନ୍ ୨୧ରେ କ୍ୟାମ୍ପେନ ମୋଡରେ ଦେଶବ୍ୟାପି ଟୀକାକରଣ ଆରମ୍ଭ ହୋଇଥିଲା । ଅଧିକ ଟିକା ଉପଲବ୍ଧ ହେବା ଦ୍ୱାରା ଟୀକାକରଣ ଡ୍ରାଇଭ୍ କାର୍ଯ୍ୟ କରାଯାଇଛି, ଯେଉଁଥିରେ କେନ୍ଦ୍ର ସରକାର ସହାୟତା କରୁଛନ୍ତି ବୋଲି ମନ୍ତ୍ରଣାଳୟ କହିଛି।
@ANI
