ଡେରାଡୁନ: ଉତ୍ତରାଖଣ୍ଡ ମସୁରୀରେ ଦୁର୍ଘଟଣାଗ୍ରସ୍ତ ହୋଇଛି ଓଡିଶା ପର୍ଯ୍ୟଟକଙ୍କ କାର । ଏକ କାର (ଟମ୍ପୋ-ଟ୍ରାଭେଲର) ବ୍ରେକ ଫେଲ ହେବା ଫଳରେ ପାହାଡରେ ଧକ୍କା ହୋଇଛି । ଗାଡିରେ ମୋଟ 13 ଯାତ୍ରୀ ଥିବାବେଳେ 9 ଯାତ୍ରୀ ଆହତ ହୋଇଛନ୍ତି । ଆହତଙ୍କୁ ଉଦ୍ଧାର କରାଯାଇ ସ୍ଥାନୀୟ ମସୁରୀ ହସ୍ପିଟାଲରେ ଭର୍ତ୍ତି କରାଯାଇଛି ।
ମିଳିଥିବା ସୂଚନା ଅନୁସାରେ, ମୁସୁରୀ-ଡେରାଡୁନ୍ ରାସ୍ତାରେ ଭଟ୍ଟା ଜଳ ପ୍ରପାତ ନିକଟରେ ଏହି ଟ୍ରାଭେଲର ବ୍ରେକ୍ ଫେଲ ହେବା ପରେ ପାହାଡରେ ଧକ୍କା ହୋଇଥିଲା । ଏଥିରେ ମୋଟ 13 ଯାତ୍ରୀ ଯାତ୍ରା କରୁଥିବାବେଳେ 9 ଆହତ ହୋଇଥିଲେ । ସମସ୍ତେ ଓଡିଶାର ବାସିନ୍ଦା ବୋଲି ଜଣାପଡିଛି । ଆହତଙ୍କ ପରିଚୟ ମଧ୍ୟ ସ୍ପଷ୍ଟ ହୋଇଛି । 2 ଜଣ ଦିଲ୍ଲୀର ବାସିନ୍ଦା ହୋଇଥିବା ବେଳେ ଅବଶିଷ୍ଟ ସମସ୍ତେ ଓଡିଶାର ଗଞ୍ଜାମ ଜିଲ୍ଲାର ବ୍ରହ୍ମପୁର ଅଞ୍ଚଳର ବୋଲି ସୂଚନା ମିଳିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
