ଲକ୍ଷ୍ନୌ: ଉତ୍ତରପ୍ରଦେଶରେ ପୋଲିସ ହେପାଜତରେ ଥିବା ଜଣେ ଅଭିଯୁକ୍ତକୁ ଏନକାଉଣ୍ଟର କରାଯାଇଛି । ଏଥିରେ ଅଭିଯୁକ୍ତ ଗିରିଧାରୀ ବିଶ୍ବକର୍ମାଙ୍କ ମୃତ୍ୟୁ ଘଟିଛି । ଗିରିଧାରୀ ଏକ ହତ୍ୟା ମାମଲାରେ ଗିରଫ ହୋଇଥିବାବେଳେ ଆଜି(ସୋମବାର) ରାତି 2.30ରେ ତାର ଏନକାଉଣ୍ଟର ହୋଇଛି ।
ପୋଲିସ ମୁଖପାତ୍ରଙ୍କ କହିବା ଅନୁଯାୟୀ, ଜାନୁଆରୀ 6 ତାରିଖରେ ଅଜିତ ସିଂହ ନାମକ ଜଣେ ବ୍ୟକ୍ତିକୁ ଗିରିଧାରୀ ହତ୍ୟା କରିଥିଲା । ଏହି ଅଭିଯୋଗରେ ଗିରିଧାରୀକୁ ଜାନୁଆରୀ 11 ତାରିଖରେ ଗିରଫ କରାଯାଇଥିଲା । ପରେ କୋର୍ଟ ଗିରିଧାରୀକୁ ଫେବୃଆରୀ 13 ତାରିଖରୁ ଫେବୃଆରୀ 16 ତାରିଖ ଯାଏ ପୋଲିସ ହେପାଜତକୁ ପଠାଇଥିଲା ।
ତେବେ ଆଜି ହତ୍ୟାକାଣ୍ଡରେ ବ୍ୟବହୃତ ହୋଇଥିବା ଅସ୍ତ୍ରକୁ ଆଣିବା ପାଇଁ ପୋଲିସ ଗିରିଧାରୀକୁ ଗୋମତିନଗରର ଖଡଗପୁର ଅଞ୍ଚଳକୁ ନେଇଥିଲା । ଏହି ସମୟରେ ଗୁରିଧାରୀ ସବଇନ୍ସପେକ୍ଟରଙ୍କ ବନ୍ଧୁକ ଛଡାଇ ଖସିବାକୁ ଚେଷ୍ଟା କରିଥିଲା ।
ଏହି ସମୟରେ ଅନ୍ୟ ପୋଲିସ ମାନେ ତା ପିଛା କରିବା ସହ ତାକୁ ଏନକାଉଣ୍ଟର କରିଥିଲେ । ଏଥିରେ ଗିରିଧାରୀ ଆହତ ହୋଇଥିବାବେଳେ ତାଙ୍କୁ ରାମ ମନୋହର ଲୋହିଆ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଅନ୍ୟପଟେ ଏହି ଏନକାଉଣ୍ଟରରେ ଦୁଇ ପୋଲିସ ଅଧିକାରୀ ଆହତ ହୋଇଥିବା ପୋଲିସ ପକ୍ଷରୁ କୁହାଯାଇଛି ।
@IANS
