ନୂଆଦିଲ୍ଲୀ: ଆସନ୍ତା ମାସ 18 ତାରିଖରେ ହେବାକୁ ଥିବା ରାଷ୍ଟ୍ରପତି ନିର୍ବାଚନ ପାଇଁ ଆଜି ବିଜ୍ଞପ୍ତି ପ୍ରକାଶ ପାଇଛି । ଆଜିଠାରୁ ନାମାଙ୍କନ ପତ୍ର ଦାଖଲ ପ୍ରକ୍ରିୟା ଆରମ୍ଭ ହୋଇ ଚଳିତ ମାସ 29 ତାରିଖରେ ସରିବ । ସେହପରି ଜୁନ 30 ତାରିଖରେ ପ୍ରାର୍ଥୀପତ୍ର ଯାଞ୍ଚ ଓ ଆସନ୍ତା ମାସ (ଜୁଲାଇ) 18 ତାରିଖ ମତଦାନ ହେବା ନେଇ ତାରିଖ ସ୍ଥିର କରିଛନ୍ତି ନିର୍ବାଚନ ଆୟୋଗ ।
-
Gazette notification issued for 16th Presidential Election today.
— ANI (@ANI) June 15, 2022 " class="align-text-top noRightClick twitterSection" data="
(Source: ECI) pic.twitter.com/UBy3fNXnur
">Gazette notification issued for 16th Presidential Election today.
— ANI (@ANI) June 15, 2022
(Source: ECI) pic.twitter.com/UBy3fNXnurGazette notification issued for 16th Presidential Election today.
— ANI (@ANI) June 15, 2022
(Source: ECI) pic.twitter.com/UBy3fNXnur
ଆଜି ଠାରୁ ବିଜ୍ଞପ୍ତି ପ୍ରକାଶ ପାଇଥିବା ବେଳେ ପ୍ରାର୍ଥୀ ନେଇ ଶାସକ ମେଣ୍ଟ NDA କମ୍ବା ବିରୋଧୀ UPA ପକ୍ଷରୁ କିଛି ସ୍ପଷ୍ଟ ସଙ୍କେଟ ମିଳିପାରି ନାହିଁ । ଅନ୍ୟ ଏକ ଗୁରୁତ୍ବପୂର୍ଣ୍ଣ କ୍ରମବିକାଶରେ ଆଜି ଅଣ ବିଜେପି ଦଳର ନେତାମାନେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଆହ୍ବାନରେ ଦିଲ୍ଲୀରେ ଗୁରୁତ୍ବପୂର୍ଣ୍ଣ ବୈଠକ ଜାରି ରଖିଛନ୍ତି । ଏଥିରେ ବିରୋଧୀ କଂଗ୍ରେସ, ବାମ ଦଳ ଓ ଅନ୍ୟ ଆଞ୍ଚଳିକ ଦଳଙ୍କୁ ମିଶାଇ ମୋଟ 18 ଦଳର ପ୍ରତିନିଧି ସାମିଲ ହୋଇ ବିଚାରବିମର୍ଶ ଜାରି ରଖିଛନ୍ତି । ଆଜି ସନ୍ଧ୍ୟା ବୈଠକ ଶେଷ ହେବା ସହ ବିରୋଧୀଙ୍କ ରାଷ୍ଟ୍ରପତି ପ୍ରାର୍ଥୀ ନେଇ ମଧ୍ୟ ଚିତ୍ର ସ୍ପଷ୍ଟ ହୋଇପାରେ । କିଛି ବିରୋଧୀ ଦଳଙ୍କ ପକ୍ଷରୁ ଏନସିପି ମୁଖ୍ୟ ଶରଦ ପାଓ୍ବାରଙ୍କ ନାମ ଚର୍ଚ୍ଚାରେ ଥିବାବେଳେ ତାଙ୍କ ନାମକୁ ନେଇ କିଛି ଅସହମତି ଦେଖିବାକୁ ମିଳିଥିବା ମଧ୍ୟ ସୂଚନା ସାମ୍ନାକୁ ଆସିଛି ।
ଆସନ୍ତା ମାସ (ଜୁଲାଇ) 24ରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ କାର୍ଯ୍ୟକାଳ ଶେଷ ହେବାକୁ ଥିବାବେଳେ ପରଦିନ ଅର୍ଥାତ 25 ତାରିଖରେ ନୂତନ ରାଷ୍ଟ୍ରପତି ଶପଥ ଗ୍ରହଣ କରିବେ । ରାଷ୍ଟ୍ରପତି ନିର୍ବାଚନ ନେଇ ପ୍ରକ୍ରିୟା ଆରମ୍ଭ ହୋଇସାରିଛି । ଆଜି ଠାରୁ ବିଜ୍ଞପ୍ତି ପ୍ରକାଶ ପାଇଛି । ଶାସକ NDA ପକ୍ଷରୁ କୌଣସି ସଂଖ୍ୟାଲଘୁ ,ଦଳିତ କମ୍ବା ମହିଳାଙ୍କ ମଧ୍ୟରୁ କୌଣସି ପ୍ରମୁଖ ବ୍ୟକ୍ତିଙ୍କୁ ପ୍ରାର୍ଥୀ କରାଯାଇ ପାରେ ବୋଲି ଚର୍ଚ୍ଚା ହେଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
