ନୂଆଦିଲ୍ଲୀ: ଡ୍ରଗ୍ସ କାରବାର ଅଭିଯୋଗରେ ଏନସିବି ଦ୍ବାରା ଗିରଫ ହୋଇଥିଲେ ବଲିଉଡ ଅଭିନେତା ଶାହାରୁଖ ଖାନଙ୍କ ପୁଅ ଆର୍ଯ୍ୟନ ଖାନ । ତାଙ୍କ ଗିରଫ ନେଇ ଦୁଃଖ ପ୍ରକାଶ କରଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ଆର୍ଯ୍ୟନଙ୍କ ପ୍ରତି ସମବେଦନା ଜଣାଇ ରାହୁଲ ଅକ୍ଟୋବର ୧୪ରେ ଏକ ଚିଠି ଲେଖିଥିଲେ ଯାହା ଏବେ ସାର୍ବଜନୀନ ହୋଇଛି । କୌଣସି ପିଲା ପ୍ରତି ଏପରି ବ୍ୟବହାର ଠିକ ନୁହେଁ ବୋଲି ଚିଠିରେ ଲେଖିଛନ୍ତି ରାହୁଲ ।
ଚିଠିରେ ଲେଖାଅଛି ଶାହାରୁଖ ଓ ଗୌରୀ ଏପରି ଦୁଃଖ ସମୟ ଦେଇ ଗତି କରୁଥିବାରୁ ସେ ଦୁଃଖିତ । ଆର୍ଯ୍ୟନଙ୍କ ପ୍ରତି ଯେପରି ଆଚରଣ ହୋଇଛି ତାହା କୌଣସି ଶିଶୁପ୍ରତି କରାଯିବା ଉଚିତ ନୁହେଁ ବୋଲି ଚିଠି ମାଧ୍ୟମରେ ମନ କଥା କହିଛନ୍ତି ରାହୁଲ । ସେ ଆହୁରି କହିଛନ୍ତି ଲୋକଙ୍କ ପାଇଁ ତୁମେ କରିଥିବା ଭଲ କାମ ମୁଁ ଦେଖିଛି । ମୁଁ ନିଶ୍ଚିନ୍ତ ଯେ ଲୋକଙ୍କ ଆଶୀର୍ବାଦ ଓ ଭଲ ପାଇବା ତୁମ ସହିତ ଅଛି । ଦେଶବାସୀ ତୁମ ସହିତ ଅଛନ୍ତି । ମୁଁ ଆଶା କରୁଛି ତୁମେ ଖୁବ ଶୀଘ୍ର ଏକାଠି ହେବ ।
ପ୍ରକାଶ ଥାଉ କି ଅକ୍ଟୋବର ୨ରେ କ୍ରୁଜ ଡ୍ରଗ୍ସ ମାମଲାରେ ଗିରଫ ହୋଇଥିଲେ କିଙ୍ଗ ଖାନଙ୍କ ପୁଅ ଆର୍ଯ୍ୟନ ଖାନ । ମୁମ୍ବାଇର ଆର୍ଥର ରୋଡ କାରାଗାରରେ 26 ଦିନ ରହିବା ପରେ ଅକ୍ଟୋବର ୨୮ରେ ଜାମିନରେ ଆସିଛନ୍ତି ।
ବ୍ୟୁରୋ ରିପୋର୍ଟ,ଇଟିଭି ଭାରତ
