ନୂଆଦିଲ୍ଲୀ: ଭାରତୀୟ କୁସ୍ତିରେ ଚାଲିଥିବା ବିବାଦ ନୂଆ ମୋଡ଼ ନେଇଛି । ଜୁନିୟର କୁସ୍ତିଯୋଦ୍ଧାମାନେ, ସିନିୟର କୁସ୍ତିଯୋଦ୍ଧାଙ୍କ ବିରୋଧରେ ମୁହଁ ଖୋଲିଛନ୍ତି । ଭାରତୀୟ କୁସ୍ତିଯୋଦ୍ଧା ମହାସଂଘର ପୂର୍ବତନ ସଭାପତି ବ୍ରିଜଭୂଷଣଙ୍କ ନାଁରେ ଯୌନ ନିର୍ଯାତନା ଅଭିଯୋଗ ମାମଲାକୁ ନେଇ ଦୀର୍ଘ ଦିନ ଧରି ଠପ୍ ହୋଇଯାଇଛି କୁସ୍ତି ଯୋଦ୍ଧା ପ୍ରତିଯୋଗିତା । ଏଥିପାଇଁ ପାଖାପାଖି ବର୍ଷେ ହେଲା କୌଣସି ପ୍ରତିଯୋଗିତା ହୋଇନଥିବା ଅଭିଯୋଗ କରିଛନ୍ତି ଜୁନିୟର କୁସ୍ତିଯୋଦ୍ଧା । ଏହାକୁ ନେଇ ଶେଷରେ ମୁହଁ ଖୋଲିଛନ୍ତି ଜୁନିୟର କୁସ୍ତିଯୋଦ୍ଧା । କ୍ୟାରିଅର ଏକ ବର୍ଷ ହରାଇଥିବା ଦର୍ଶାଇ, ଜୁନିୟର ରେସଲରମାନେ, ସିନିୟର ରେସଲର ବଜରଙ୍ଗ ପୁନିଆ, ସାକ୍ଷୀ ମଲିକ ଏବଂ ଭିନେଶ ଫୋଗାଟଙ୍କ ବିରୋଧରେ ପ୍ରତିବାଦ ଆରମ୍ଭ କରିଛନ୍ତି |
-
#WATCH | Young wrestlers hold protests against Olympic-winning wrestlers Sakshee Malikkh, Vinesh Phogal and Bajrang Punia, at Delhi's Jantar Mantar pic.twitter.com/Maw7TF9fGn
— ANI (@ANI) January 3, 2024 " class="align-text-top noRightClick twitterSection" data="
">#WATCH | Young wrestlers hold protests against Olympic-winning wrestlers Sakshee Malikkh, Vinesh Phogal and Bajrang Punia, at Delhi's Jantar Mantar pic.twitter.com/Maw7TF9fGn
— ANI (@ANI) January 3, 2024#WATCH | Young wrestlers hold protests against Olympic-winning wrestlers Sakshee Malikkh, Vinesh Phogal and Bajrang Punia, at Delhi's Jantar Mantar pic.twitter.com/Maw7TF9fGn
— ANI (@ANI) January 3, 2024
ଏହାମଧ୍ୟ ପଢ଼ନ୍ତୁ: କୁସ୍ତି ମହାସଂଘ ନିଲମ୍ବନ ପ୍ରତ୍ୟାହାର ସମ୍ଭାବନା କ୍ଷୀଣ !
୩୦୦ରୁ ଅଧିକ ଜୁନିୟର କୁସ୍ତିଯୋଦ୍ଧା ଆଜି ରାଜରାସ୍ତାକୁ ଓହ୍ଲାଇଛନ୍ତି । ଦିଲ୍ଲୀ ଜନ୍ତର ମନ୍ତରରେ ଧାରଣା ଦେଇଛନ୍ତି । ଜୁନିଅର କୁସ୍ତିଯୋଦ୍ଧାମାନେ ନରେଲାର ବୀରେନ୍ଦ୍ର ରେସଲିଂ ଏକାଡେମୀରୁ ବସ୍ ଯୋଗେ ଜନ୍ତର ମନ୍ତରରେ ପହଞ୍ଚିବା ପରେ ବିରୋଧ ପ୍ରଦର୍ଶନ କରିଛନ୍ତି । ସେମାନଙ୍କ ଯୁକ୍ତି, କୁସ୍ତି ମହାସଂଘ ବିବାଦ ଯୋଗୁଁ ସେମାନଙ୍କର କ୍ୟାରିୟର ପାଖାପାଖି ଏକବର୍ଷ ଧରି ପ୍ରଭାବିତ ହୋଇଛି । ଆଉ ଏଥିପାଇଁ ସେମାନେ, ସିନିୟର କୁସ୍ତିଯୋଦ୍ଧା ବଜରଙ୍ଗ ପୁନିଆ, ସାକ୍ଷୀ ମଲିକ ଏବଂ ଭିନେଶ ଫୋଗାଟଙ୍କୁ ଦାୟୀ କରିଛନ୍ତି । ସିନିୟରଙ୍କ ଆପତ୍ତି ଅଭିଯୋଗ ଯୋଗୁଁ, କୁସ୍ତି ମହାସଂଘ ସଂପୂର୍ଣ୍ଣ ଅକାମୀ ହୋଇଯାଇଥିବା କହିଛନ୍ତି ଜୁନିୟର କୁସ୍ତିଯୋଦ୍ଧା ।
ଏହାମଧ୍ୟ ପଢ଼ନ୍ତୁ: ଭାରତୀୟ କୁସ୍ତି ମହାସଂଘ ନିଲମ୍ବିତ; ସଞ୍ଜୟ ସିଂହଙ୍କ ଅଧ୍ୟକ୍ଷ ପଦ ରବ୍ଦ
ଜୁନିୟର କୁସ୍ତିଯୋଦ୍ଧାମାନେ, ବଜରଙ୍ଗ, ସାକ୍ଷୀ ଏବଂ ଭିନେଶଙ୍କ ବିରୋଧରେ ନାରାବାଜି କରିଛନ୍ତି । ଏହି ତିନି ରେସଲରଙ୍କଠାରୁ, ରେସଲିଂକୁ ବଞ୍ଚାଇବା ନେଇ ବ୍ୟାନର ପ୍ରଦର୍ଶନ କରିଛନ୍ତି । ଜୁନିଅର କୁସ୍ତିଯୋଦ୍ଧାଙ୍କ ଧାରଣା ପ୍ରଦର୍ଶନସ୍ଥଳୀରେ ବ୍ୟାପକ ପୋଲିସ ମୁତୟନ କରାଯାଇଛି । WFIକୁ କେନ୍ଦ୍ର କ୍ରୀଡ଼ା ମନ୍ତ୍ରାଳୟ ସସପେଣ୍ଡ କରିଥିବା ବେଳେ, ଗତବର୍ଷ ଜାନୁଆାରୀଠାରୁ ଜାତୀୟ ଶିବିର ଏବଂ ପ୍ରତିଯୋଗିତା ସ୍ଥଗିତ ରହିଛି । ସିନିୟର କୁସ୍ତିଯୋଦ୍ଧାଙ୍କ ଆପତ୍ତି ଯୋଗୁଁ WFI ନିର୍ବାଚନକୁ ବାତିଲ କରାଯାଇ ଆଡ-ହକ୍ ପ୍ୟାନେଲ୍ ଗଠନ କରାଯାଇଛି । କ୍ରୀଡ଼ା ମନ୍ତ୍ରାଳୟ ଦ୍ବାରା ନିଯୁକ୍ତ ଆଡ୍-ହକ୍ ପ୍ୟାନେଲକୁ ହଟାଇ ଦିଆଯାଇ ନିଲମ୍ବିତ WFI କୁ ପୁନଃ ସ୍ଥାପିତ କରିବାକୁ ଜୁନିୟରମାନେ ଦାବି କରିଛନ୍ତି।
ସୂଚନାଯୋଗ୍ୟ ଯେ, WFIର ପୂର୍ବତନ ସଭାପତି ବ୍ରିଜ ଭୂଷଣ ଏବଂ WFIର ନବ ନିିର୍ବାଚିତ ସଭାପତି ସଂଜୟ ସିଂହଙ୍କୁ ବିରୋଧ କରିଥିଲେ ସିନିୟର କୁସ୍ତିଯୋଦ୍ଧା ସାକ୍ଷୀ, ବଜରଙ୍ଗ ଏବଂ ଭିନେଶ । ସଂଜୟ ସିଂହ, ବ୍ରିଜ ଭୂଷଣଙ୍କ ସହଯୋଗୀ ହୋଇଥିବା ଅଭିଯୋଗ କରି ସାକ୍ଷୀ ରେସଲିଂରୁ ସନ୍ଯାସ ଘୋଷଣା କରିଥିବା ବେଳ, ବଜରଙ୍ଗ ଏବଂ ଭିନେଶ ନିଜ ନିଜର ମେଡାଲ ଫେରାଇ ଦେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
