ନୂଆଦିଲ୍ଲୀ: ସିଙ୍ଘୁ ସୀମାରେ ପହଞ୍ଚିବାରେ ଲାଗିଛି ହଜାର ହଜାର ସଂଖ୍ୟାରେ ଟ୍ରାକ୍ଟର । ସାଧାରଣତନ୍ତ୍ର ଦିବସରେ କୃଷକଙ୍କ ଟ୍ରାକ୍ଟର ରାଲିକୁ ଦିଲ୍ଲୀ ପୋଲିସ ପକ୍ଷରୁ ଅନୁମତି ମିଳିବା ପରେ କୃଷକ ମାନେ ଆୟୋଜନ ଆରମ୍ଭ କରିଦେଇଥିବା ଜଣା ପଡିଛି । କୃଷକମାନେ କହିଛନ୍ତି ଯେ ଏହିପରି ଗଣତନ୍ତ୍ର ଦିବସ ପରେଡ ପାଇଁ ହଜାର ହଜାର ନୂତନ ଟ୍ରାକ୍ଟର ଆସୁଛନ୍ତି।
ଟ୍ରାକ୍ଟର ଗୁଡିକ ସାମ୍ନା ଭାଗରେ ବିଶେଷ ଧରଣର ଯନ୍ତ୍ରାଂଶ ମଧ୍ୟ ଲାଗିଥିବା ସୂଚନା ଦେଇଛନ୍ତି । ତେବେ ଏହି ସବୁ ଯନ୍ତ୍ରାଂଶ ସାହାଯ୍ୟରେ ପୋଲିସ ବନ୍ଦ କରିଥିବା ରାସ୍ତା ଖୋଲିବା ସହଜ ହେବ ବୋଲି କୃଷକ ସଂଗଠନ ପକ୍ଷରୁ କୁହାଯାଇଛି । କୃଷକ ମାନେ ଆହୁରି ମଧ୍ୟ କହିଛନ୍ତି ଯେ ତାଙ୍କ ଦ୍ବାରା ଆୟୋଜିକ ହେବାକୁ ଥିବା ଏହି ଟ୍ରାକ୍ଟର ରାଲି ସମ୍ପୁର୍ଣ୍ଣ ଶାନ୍ତିପୂର୍ଣ୍ଣ ରହିବ । ଗଣତନ୍ତ୍ର ଦିବସରେ କୌଣସି ପ୍ରକାର ବାଧା ସୃଷ୍ଚି ହେବା ପରି କାର୍ଯ୍ୟ କୃଷକ ମାନେ କରିବେ ନାହିଁ ବୋଲି କହିଛନ୍ତି ।
ତେବେ ରାଲିକୁ ନେଇ ଚୂଡାନ୍ତ ଆଲୋଚନା କ୍ରମାଗତ ଭାବେ ଚାଲିଛି । କୌଣସି ଚୁଡାନ୍ତ ନିଷ୍ପତ୍ତି ଏଯାଏଁ ନିଆଯାଇନଥିବା ବେଳେ ବରିଷ୍ଠ ପୋଲିସ ଅଧିକାରୀ ଓ କୃଷକ ନେତାଙ୍କ ମଧ୍ୟରେ ଆଲୋଚନା ଜାରି ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
