ଭାରତୀୟ ଜାତୀୟ ପତାକାରେ ଅଟୋଗ୍ରାଫ୍‌ ଦେଲେନି ସୁନାପୁଅ, କହିଲେ ଓ୍ବାହାଁ ନେହିଁ ସାଇନ କର ସକ୍‌ତା

ବିଶ୍ବ ଆଥଲେଟିକ୍ସ ଚମ୍ପିଆନସିପ୍‌ରେ ସ୍ୱର୍ଣ୍ଣ ଜିତିବା ପରେ ନୀରଜ ଚୋପ୍ରାଙ୍କ ଅଟୋଗ୍ରାଫ୍‌ ପାଇଁ ଫ୍ୟାନ୍ସଙ୍କ ଭିଡ଼ ଲାଗିଥିଲା । ଏହାରି ମଧ୍ୟରେ ଜଣେ ତାଙ୍କୁ ଭାରତର ଜାତୀୟ ପତାକା ଉପରେ ଅଟୋଗ୍ରାଫ୍‌ ମାଗିଥିଲେ। ଜବାବରେ ନୀରଜ କହିଥିଲେ "ଓ୍ବାହାଁ ନେହିଁ ସାଇନ କର ସକତା" ଅର୍ଥାତ ସେଠାରେ ସାଇନ କରିପାରିବି ନାହିଁ ବୋଲି କହିଥିଲେ । ଯାହାକୁ ନେଇ ତାଙ୍କୁ ବାଃ ବାଃ ମିଳୁଛି । ଅଧିକ ପଢ଼ନ୍ତୁ

ବୁଦାପେଷ୍ଟ: ବିଶ୍ବ ଆଥଲେଟିକ୍ସ ଚମ୍ପିଆନସିପ୍‌ରେ ନିଜର ଐତିହାସିକ ସଫଳତା ସହିତ ପୁଣିଥରେ ଭାରତ ପାଇଁ ଗର୍ବ ଆଣିଛନ୍ତି ନୀରଜ ଚୋପ୍ରା। ପ୍ରଥମ ଥର ପାଇଁ ଜଣେ ଭାରତୀୟ ଭାବରେ ଚମ୍ପିଆନସିପ୍‌ରେ ସ୍ବର୍ଣ୍ଣ ପଦକ ଦାସଲ କରି ଭାରତକୁ ଗୌରବାନ୍ବିତ କରିଛନ୍ତି । ତେବେ କୋଟି କୋଟି ଲୋକଙ୍କର ହୃଦୟ ଜିତିଥିବା ନୀରଜ ଭାରତର ଜାତୀୟ ପତାକା ଉପରେରେ ଅଟୋଗ୍ରାଫ୍‌ ଦେବାକୁ ମନା କରି ପୁଣି ଥରେ ଚର୍ଚ୍ଚାରେ ଅଛନ୍ତି ।

• A very sweet Hungarian lady (who spoke excellent Hindi btw) wanted a Neeraj Chopra autograph. Neeraj said sure but then realised she meant on the 🇮🇳 flag. 'Waha nahi sign kar sakta' Neeraj tells her. Eventually he signed her shirt sleeve. She was pretty happy all the same. pic.twitter.com/VhZ34J8qH5

  — jonathan selvaraj (@jon_selvaraj) August 28, 2023 " class="align-text-top noRightClick twitterSection" data="

  A very sweet Hungarian lady (who spoke excellent Hindi btw) wanted a Neeraj Chopra autograph. Neeraj said sure but then realised she meant on the 🇮🇳 flag. 'Waha nahi sign kar sakta' Neeraj tells her. Eventually he signed her shirt sleeve. She was pretty happy all the same. pic.twitter.com/VhZ34J8qH5

  — jonathan selvaraj (@jon_selvaraj) August 28, 2023

  ">

  A very sweet Hungarian lady (who spoke excellent Hindi btw) wanted a Neeraj Chopra autograph. Neeraj said sure but then realised she meant on the 🇮🇳 flag. 'Waha nahi sign kar sakta' Neeraj tells her. Eventually he signed her shirt sleeve. She was pretty happy all the same. pic.twitter.com/VhZ34J8qH5

  — jonathan selvaraj (@jon_selvaraj) August 28, 2023

ସୂଚନା ଅନୁସାରେ, ବୁଦାପେଷ୍ଟରେ ଆୟୋଜିତ ବିଶ୍ବ ଆଥଲେଟିକ୍ସ ଚମ୍ପିଆନସିପ୍‌ରେ ଜାଭେଲିନ ଥ୍ରୋର ଇଭେଣ୍ଟ୍‌ରେ ସ୍ୱର୍ଣ୍ଣ ପଦକ ହାସଲ କରିବା ପରେ ନୀରଜଙ୍କର ଜଣେ ହଙ୍ଗେରୀ ପ୍ରଶଂସକ ଭାରତୀୟ ପତାକା ଉପରେ ନୀରଜଙ୍କ ଅଟୋଗ୍ରାଫ ନେବା ପାଇଁ ଅନୁରୋଧ କରିଥିଲେ । କିନ୍ତୁ ନୀରଜ ପ୍ରଶଂସକ ଜଣଙ୍କୁ ସମ୍ମାନର ସହ ମନା କରିବା ସହ "ଓ୍ବାହାଁ ନେହିଁ ସାଇନ କର ସକତା" ଅର୍ଥାତ ସେଠାରେ ସାଇନ କରିପାରିବି ନାହିଁ ବୋଲି କହିଥିଲେ । ଏହାସହ 'ଭାରତ ଫ୍ଲାଗ୍‌ କୋଡ ପଏଣ୍ଟ 3.28 ଅନୁଯାୟୀ ଜାତୀୟ ପତାକା ଉପରେ କୌଣସି ଜିନିଷ ଲେଖାଯିବ ନାହିଁ' ବୋଲି କହିଥିଲା ।

ଏହା ମଧ୍ୟ ପଢ଼ନ୍ତୁ..World Athletics Championships: ସ୍ବର୍ଣ୍ଣ ଜିତିଲେ ସୁନାପୁଅ ନୀରଜ, ଦେଶର ବିଜୟ କହିଲେ ବାପା

ତେବେ ଏହାପରେ ନୀରଜ ନିଜ ପ୍ରଶଂସକଙ୍କୁ ନିରାଶ ନକରି ତାଙ୍କ ଟି-ସାର୍ଟ ଉପରେ ଅଟୋଗ୍ରାଫ ଦେଇଥିଲେ । ତେବେ ପ୍ରଶଂସକଙ୍କୁ ଅଟୋଗ୍ରାଫ ଦେଉଥିବା ସମୟର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହାସହ ଭାରତୀୟ ଜାତୀୟ ପତାକା ଉପରେ ଅଟୋଗ୍ରାଫ ଦେବାକୁ ନୀରଜ ମନା କରିବାକୁ ନେଇ ସୋସିଆଲ ମିଡିଆରେ ପ୍ରଶଂସା କରାଯାଉଛି । ଜଣେ ୟୁଜର ଲେଖିଛନ୍ତି,"ଭାରତୀୟ ଜାତୀୟ ପତାକା ପାଇଁ ନୀରଜଙ୍କ ସମ୍ମାନ ପ୍ରଶଂସନୀୟ"।

ଏହା ମଧ୍ୟ ପଢ଼ନ୍ତୁ...World Athletics Championships: ଦେଶବାସୀଙ୍କୁ ପଦକ ଉତ୍ସର୍ଗ କଲେ ସୁନାପୁଅ ନୀରଜ

25ବର୍ଷୀୟ ନୀରଜଙ୍କ ବିଜୟ ଭାରତ ପାଇଁ ଏକ ଗୁରୁର୍ବପୂର୍ଣ୍ଣ ମାଇଲଖୁଣ୍ଟ । ବିଶ୍ବ ଆଥଲେଟ୍‌ ଚମ୍ପିଆନସିପ୍‌ରେ ଯେକୌଣସି ଟ୍ରାକ୍‌ ଏବଂ ଫିଲ୍ଡରେ ନୀରଜ ଭାରତ ପାଇଁ ପ୍ରଥମ ସ୍ବର୍ଣ୍ଣ ପଦକ ଜିତିଛନ୍ତି । ବିଶ୍ବ ଆଥଲେଟିକ୍ସ ଚମ୍ପିଆନସିପ୍‌ରେ 88.17 ମିଟର ଜାଭେଲିନ୍‌ ଫିଙ୍ଗି ସ୍ବର୍ଣ୍ଣ ପଦକ ଜିତିଛନ୍ତି ନୀରଜ । ଏହାସହ ଦେଶକୁ ପୁଣି ଥରେ ଏକ ସ୍ବର୍ଣ୍ଣ ପଦକ ଭେଟି ଦେଇଛନ୍ତି । ଟୋକିଓ ଅଲମ୍ପିକ୍ସରେ ସ୍ବର୍ଣ୍ଣ ପଦକ ଜିତିଥିବା ନୀରଜ ବିଶ୍ବ ଆଥଲେଟିକ୍ସ ଚମ୍ପିଆନସିପ୍‌ରେ ପ୍ରଥମ ଭାରତୀୟ ଭାବରେ ଐତିହାସିକ ସ୍ବର୍ଣ୍ଣ ପଦକ ଜିତିଛନ୍ତି । ଏନେଇ ସାରା ଦେଶ ସୁନାପୁଅଙ୍କ ସଫଳତାରେ ଗର୍ବ ଏବଂ ଗୌରବ ଅନୁଭବ କରୁଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ