ଶ୍ରୀନଗର: ଜମ୍ମୁ କାଶ୍ମୀରର ନ୍ୟାସନାଲ କନଫରେନ୍ସ ନେତା ହିଲାଲ ଲୋନ ଗିରଫ ହୋଇଥିବା ନେଇ ଖବର ସାମ୍ନାକୁ ଆସିଛି । ହିଲାଲଙ୍କୁ UAPA ଆଇନ ଆଧାରରେ ଗିରଫ କରାଯାଇଛି । ତାଙ୍କ ବିରୋଧରେ ଏକ ରାଲିରେ ଉତ୍ତେଜନାପୂର୍ଣ୍ଣ ଭାଷଣ ଦେବାର ଅଭିଯୋଗ ରହିଛି ।
ଗତବର୍ଷ ଜମ୍ମୁ କାଶ୍ମୀର ବିକାଶ ପରିଷଦ(DDC) ନିର୍ବାଚନ ସମୟରେ ବାନ୍ଦିପୋରାର ଏକ ରାଲିରେ ହିଲାଲ ଲୋନ ଉତ୍ତେଜନାପୂର୍ଣ୍ଣ ଭାଷଣ ଦେଇଥିବା ଅଭିଯୋଗ ହୋଇଥିଲା । ନ୍ୟାସନାଲ କନଫରେନ୍ସ ସାଂସଦ ମହମ୍ମଦ ଆକବର ଲୋନଙ୍କ ପୁଅ ହିଲାଲଙ୍କୁ ସୋମବାର ବିଧାୟ ହଷ୍ଟେଲରୁ ଗିରଫ କରାଯାଇଥିଲା । ଏଠାରେ ସେ ଡିସେମ୍ବରରୁ ଗୃହବନ୍ଦୀ ରହିଥିଲେ ।
UAPA ର ବିଭିନ୍ନ ଧାରାରେ ଦକ୍ଷିଣ କାଶ୍ମୀର ବାନ୍ଦିପୋରା ଜିଲ୍ଲାର ହାଜିନ ଥାନାରେ ଲୋନଙ୍କ ବିରୋଧରେ ଏତଲା ଦାଏର କରାଯାଇଥିଲା । ଜଣେ ପୋଲିସ ଅଧିକାରୀଙ୍କ କହିବା ଆନୁଯାୟୀ, ଡିଡିସି ନିର୍ବାଚନ ସମୟରେ ହାଜିନରେ ପ୍ରଚାର କରୁଥିବା ସମୟରେ ହିଲାଲ ଉତ୍ତେଜନାପୂର୍ଣ୍ଣ ଭାଷଣ ଦେଇଥିଲେ ।
ଗତବର୍ଷ ଡିସେମ୍ବର 25ରେ ହିଲାଲ ଲୋନଙ୍କୁ ସୁମ୍ବଲ ଅଞ୍ଚଳରୁ ଗିରଫ କରାଯାଇଥିଲା । ପରେ ତାଙ୍କୁ ବିଧାୟକ ହଷ୍ଟେଲକୁ ସ୍ଥାନାନ୍ତର କରାଯାଇଥିବା ବେଳେ ଏବେଠୁ ସେ ଏଠାରେ ଗୃହବନ୍ଦୀ ରହିଥିଲେ ।
