ଚଣ୍ଡିଗଡ: ଚାଷୀଙ୍କ ସମସ୍ୟାକୁ ନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ସିଦ୍ଧୁ । ରବିବାର ଚାଷୀଙ୍କ ସମସ୍ୟାକୁ ନେଇ ପଞ୍ଜାବ ମୁଖ୍ୟମନ୍ତ୍ରୀ ଅମରିନ୍ଦର ସିଂହଙ୍କୁ ଚିଠି ଲେଖିଲେ ପଞ୍ଜାବ ପ୍ରଦେଶ କଂଗ୍ରେସ ଅଧ୍ୟକ୍ଷ ନବଜ୍ୟୋତ ସିଂ ସିଦ୍ଧୁ । ସେପ୍ଟେମ୍ବର ୧୦ ତାରିଖରେ ଚାଷୀଙ୍କ ୩୨ ଜଣିଆ ପ୍ରତିନିଧିଙ୍କୁ ଭେଟିଥିଲେ ସିଦ୍ଧୁ । ଚାଷୀପ୍ରତିନିଧି ମାନଙ୍କ ସହିତ ଆଲୋଚନା କରିଥିବା ଦାବି ଗୁଡିକ ଏହି ଚିଠିରେ ଉଲ୍ଲେଖ କରାଯାଇଥିବା ପଞ୍ଜାବ କଂଗ୍ରେସ ପକ୍ଷରୁ ସୂଚନା ଦିଆଯାଇଛି ।
ଚିଠିରେ ଉଲ୍ଲେଖ କରିଥିବା ଦାବି ଗୁଡ଼ିକ ମଧ୍ୟରୁ ରାଜ୍ୟରେ ଚାଷୀ ଆନ୍ଦୋଳନ ସମୟରେ ଚାଷୀଙ୍କ ବିରୋଧରେ ମାମଲା ରୁଜୁ କରାଯାଇଛି। ସେଗୁଡିକ ପ୍ରତ୍ୟାହାର ଦାବି କରାଯାଇଛି । ସେହିପରି କେନ୍ଦ୍ର ସରକାର ଆଣିଥିବା ତିନୋଟି କୃଷି ଆଇନକୁ ବିରୋଧ କରୁଛି କଂଗ୍ରେସ । ଏହା ସହ ସର୍ବନିମ୍ନ ବିକ୍ରୟ ଦର ବା ଏମଏସପିର ଆଇନ କରିବା ଦାବିକୁ କଂଗ୍ରେସ ସମର୍ଥନ କରିଛି । କେନ୍ଦ୍ର ସରକାରଙ୍କ ଦ୍ୱାରା ଜମି ରେକର୍ଡର ସବିଶେଷ ତଥ୍ୟ ଜାଣିବା ପାଇଁ ସିଦ୍ଧୁ 'ଫାର୍ଡ' ନାମରେ ଜଣାଶୁଣା ଜମି ରେକର୍ଡ ପ୍ରସଙ୍ଗ ମଧ୍ୟ ଉଠାଇଛନ୍ତି ।
ସେହିପରି APMC ମଣ୍ଡିକୁ ଘରୋଇ ବଜାରକୁ ସ୍ଥାନାନ୍ତର କରିବା ଏବଂ ଦେଶରେ ଦୁଇଟି ବଜାର ପରିସ୍ଥିତି ସୃଷ୍ଟି କରାଯାଉଛି । ସିଦ୍ଧୁ ଲେଖିଛନ୍ତି ଯେ କୃଷକଙ୍କ ଆୟକୁ ଦ୍ୱିଗୁଣିତ କରିବା, ରାଜ୍ୟରେ ଏମଏସପି କ୍ରୟ କରିବା ଏବଂ ରାଜ୍ୟରେ ତିନୋଟି କଳା ନିୟମ ଲାଗୁ ନକରିବା ପାଇଁ ରାଜ୍ୟ ସମସ୍ତ ଉଦ୍ୟମ କରିବା ଆବଶ୍ୟକ।
ବ୍ୟୁରୋ ରିପୋର୍ଟ,ଇଟିଭି ଭାରତ
