ମୁମ୍ବାଇ: ବିଜନେସ କ୍ୟାପିଟାଲ ମୁମ୍ବାଇର ତାଜ ହୋଟେଲ ଉଡ଼ାଇବାକୁ ଧମକ । ହୋଟେଲ ତାଜରେ ବୋମା ଥିବା ନେଇ ଆସିଛି ଧମକପୂର୍ଣ୍ଣ ଫୋନକଲ ।
ସୂଚନା ଅନୁଯାୟୀ, ଶନିବାର ହୋଟେଲ ତାଜରେ ବୋମା ଖଞ୍ଜା ଯାଇଥିବା ଧମକପୂର୍ଣ୍ଣ ଫୋନକଲ ଆସିଛି । ଏହାପରେ ତୁରନ୍ତ ଘଟଣାସ୍ଥଳରେ ପହଞ୍ଚିଛି କୋଲାବା ପୋଲିସ ଷ୍ଟେସନର ବୋମା ନିଷ୍କ୍ରିୟକାରୀ ଟିମ ।
ବର୍ତ୍ତମାନ ଘଟଣାସ୍ଥଳରେ ସର୍ଚ୍ଚ ଅପରେସନ ଜାରି ରହିଛି । 3ଟି ବୋମା ନିଷ୍କ୍ରିୟକାରୀ ଟିମ ଗାଡି ହୋଟେଲ ତାଜରେ ପହଞ୍ଚିଛନ୍ତି । କିଏ ଏହି ଫୋନ କରିଥିଲା ଏନେଇ ଅଧିକ ତଦନ୍ତ କରୁଛି କୋଲାବା ପୋଲିସ ।
ଏହାପୂର୍ବରୁ ମଧ୍ୟ ଜୁନ 21ରେ ମନ୍ତ୍ରଣାଳୟରେ ବୋମା ଖଞ୍ଜାଯାଇଥିବା ନେଇ ଧମକପୂର୍ଣ୍ଣ ଇ-ମେଲ ଆସିଥିଲା । 26/11 ମୁମ୍ବାଇ ଆତଙ୍କବାଦୀ ଆକ୍ରମଣ ଘଟଣାରେ ଟାର୍ଗେଟରେ ଥିଲା ତାଜ ହୋଟେଲ ।
