ମୁମ୍ବାଇ: ଗତକାଲି ପୋଲିସ ବିରୋଧରେ ଜାତିଗତ ନିର୍ଯାତନାର ଏକାଧିକ ସଙ୍ଗୀନ ଅଭିଯୋଗ ଆଣି ଲୋକସଭା ବାଚସ୍ପତି ଓମ ବିର୍ଲାଙ୍କୁ ଚିଠି ଲେଖିଥିଲେ ହନୁମାନ ଚାଳିଶା ପଠନ ବିବାଦରେ ଗିରଫ ହୋଇ ଜେଲରେ ଥିବା ଅମରାବତୀ ସାସଂଦ ନବନୀତ ରାଣା । ଅଭିଯୋଗର ମାତ୍ର ଗୋଟିଏ ଦିନ ଅର୍ଥାତ 24 ଘଣ୍ଟା ମଧ୍ୟରେ ଥାନା ପରିସରର ଭିନ୍ନ ଚିତ୍ର ସାମ୍ନାକୁ ଆସିଛି । ସାଂସଦ ନବନୀତ ରାଣା ଓ ବିଧାୟକ ପତି ରବି ରାଣା ଥାନାରେ ଚା’ ପିଉଛନ୍ତି । ପୋଲିସ ସେମାନଙ୍କୁ ସହଯୋଗ ସହ ସମ୍ପୂର୍ଣ୍ଣ ଆତିଥ୍ୟ ମଧ୍ୟ ପ୍ରଦାନ କରୁଛି । ଥାନା ପରିସରରେ ଲାଗିଥିବା ସିସିଟିଭି କ୍ୟାମରାରେ ରାଣା ଦମ୍ପତିଙ୍କ ଗିରଫଦାରୀ ଦିନର ଏସବୁ ଭିଡିଓ କଏଦ ହୋଇଛି । ଗତକାଲି ନବନୀତ ରାଣାଙ୍କ ସଙ୍ଗୀନ ଅଭିଯୋଗ ପରେ ଆଜି ଭିଡିଓ ଟ୍ବିଟ କରିଛନ୍ତି ମୁମ୍ବାଇ ପୋଲିସ କମିଶନର ସଞ୍ଜୟ ପାଣ୍ଡେ ।
-
Do we say anything more pic.twitter.com/GuUxldBKD5
— Sanjay Pandey (@sanjayp_1) April 26, 2022 " class="align-text-top noRightClick twitterSection" data="
">Do we say anything more pic.twitter.com/GuUxldBKD5
— Sanjay Pandey (@sanjayp_1) April 26, 2022Do we say anything more pic.twitter.com/GuUxldBKD5
— Sanjay Pandey (@sanjayp_1) April 26, 2022
ପୋଲିସ ଦ୍ବାରା ଜାରି କରାଯାଇଥିବା ଭିଡିଓରେ ରାଣା ଦମ୍ପତି ଥାନାରେ ବସିଥିବା ବେଳେ ପୋଲିସ ଅଧିକାରୀଙ୍କ ବାର୍ତ୍ତାଳାପ ମଧ୍ୟ କରୁଛନ୍ତି । ଉଭୟଙ୍କୁ ଥାନା କର୍ତ୍ତୁପକ୍ଷଙ୍କ ଦ୍ବାରା ସେପରି କିଛି ଅସହଯୋଗ କିମ୍ବା ଦୁର୍ବ୍ୟବହାର ପରି ଚିତ୍ର ଆଦୌ ନଜର ଆସୁନାହିଁ । ଦମ୍ପତିଙ୍କ ହାତରେ ଚା’ କପ ଥିବା ମଧ୍ୟ ଦେଖିବାକୁ ମିଳିଛି । ତେବେ ଭିଡିଓ ମାଧ୍ୟମରେ ମୁମ୍ବାଇ ପୋଲିସ ବିରୋଧରେ ନବନୀତ ରାଣା ଆଣିଥିବା ଅଭିଯୋଗ ସମ୍ପୂର୍ଣ୍ଣ ମିଥ୍ୟା ଓ ଭିତ୍ତିହୀନ ବୋଲି ଦର୍ଶାଇବାକୁ ଚାହୁଁଛି ମୁମ୍ବାଇ ପୋଲିସ ।
ଗତକାଲି ଲୋକସଭା ବାଚସ୍ପତି ଓମ ବିର୍ଲାଙ୍କୁ ଲମ୍ବା ଅଭିଯୋଗ ସହ ଚିଠି ଲେଖିଥିଲେ ନବନୀତ । ତାଙ୍କୁ 23 ତାରିଖ ବିଳମ୍ବିତ ସନ୍ଧ୍ୟାରେ ଗିରଫ ପରେ ଖାର ଥାନାକୁ ନେଇଥିଲା ପୋଲିସ । ସାରା ରାତି ଦମ୍ପତି ଥାନା ପରିସରରେ ରହିଥିଲେ । କିନ୍ତୁ ସେ ଜଣେ ଦଳିତ ହୋଇଥିବା କାରଣରୁ ତାଙ୍କୁ ସାରା ରାତି ପିଇବା ପାଇଁ ପାଣି ଦେଇନଥିଲା ପୋଲିସ । ସେହିପରି ରାତିରେ ଥାନା ରହଣି ସମୟରେ ସେ ଶୌଚାଳୟ ବ୍ୟବହାର କରିବାକୁ ପୋଲିସକୁ କହିଥିଲେ ସଦ୍ଧା ପୋଲିସ ତାଙ୍କ କଥାକୁ ଧ୍ୟାନ ନଦେଇ ପାଲଟା ଦୁର୍ବ୍ୟବହାର କରିଥିଲା । ଥାନା ପରିସରରେ ଥିବା ଶୌଚାଳୟ ନିମ୍ନଜାତିକୁ ବ୍ୟବହାର କରିବାକୁ ଅନୁମତି ଦିଆଯାଇ ପାରିବ ନାହିଁ ବୋଲି ଜଣେ ପୋଲିସ ଅଧିକାରୀ ତାଙ୍କୁ କହିଥିବା ଚିଠିରେ ଉଲ୍ଲେଖ କରିଥିଲେ ନବନୀତ । ରଣାଙ୍କ ଅଭିଯୋଗ ପରେ ଭିଡିଓ ଜାରି କରି ଜବାବ ରଖିଛନ୍ତି ମୁମ୍ବାଇ ପୋଲିସ କମିଶନର ।
ବ୍ୟୁରୋ ରିପୋର୍ଟ, ଇଟିଭି ଭାରତ
