ବେଙ୍ଗାଲୁରୁ: କେମ୍ପାଗୌଡା ଆନ୍ତର୍ଜାତୀୟ ବିମାନବନ୍ଦରରୁ ଜବତ ହେଲା 1.01 କୋଟି ଟଙ୍କା ମୂଲ୍ୟର ସୁନା । ବିମାନ ବନ୍ଦରର କଷ୍ଟମ ଅଧିକାରୀ ମାନେ ଏହି ସୁନା ଜବତ କରିବାରେ ସଫଳ ହୋଇଛନ୍ତି । ଜଣେ ଯାତ୍ରୀଙ୍କୁ ଯାଞ୍ଚ କଲାବେଳେ ତାଙ୍କ ନିକଟରୁ ଏତେ ପରିମାଣ ସୁନା ଜବତ ହୋଇଥିବା ଜଣା ପଡିଛି । ପରେ ତାଙ୍କୁ ଗିରଫ କରିଛି ପୋଲିସ ।
ଜବତ ସୁନା ବିଭିନ୍ନ ଆକାରରେ ଚୋରା ଚାଲାଣ ହେଉଥିବା ଜଣା ପଡିଛି । ପେଷ୍ଟ ଆକାରରେ କିଛି ସୁନା ଜବତ ହୋଇଥିବା ବେଳେ ଆଉ କିଛି ପରିମାଣର ସୁନା କଠିନ ଆକାରରେ ଜବତ ହୋଇଛି । ଯାହାର ସମୁଦାୟ ବଜାର ମୂଲ୍ୟ 1 କୋଟିରୁ ଉର୍ଦ୍ଧ୍ବ ହେବ ବୋଲି ଜଣା ପଡିଛି । ଘଟଣାରେ ଆଉ କେଉଁ ମାନେ ସମ୍ପୃକ୍ତ ତାହା ତଦନ୍ତ କରୁଛି ପୋଲିସ ।
ବ୍ୟୁରୋ ରିପୋର୍ଟ. ଇଟିଭି ଭାରତ
