ଚେନ୍ନାଇ: ତାମିଲନାଡୁରେ ଦେଖିବାକୁ ମିଳିଛି ଏକ ଲଜ୍ଜାଜନକ ଘଟଣା । ଜଣେ ୧୨ ବର୍ଷ ନାବାଳକ ଦୁଷ୍କର୍ମ କରିବା ପରେ ଜଣେ ୧୭ ବର୍ଷୀୟ ନାବାଳିକା ହୋଇଛନ୍ତି ଗର୍ଭବତୀ । ପରେ ସେ ଏକ କନ୍ୟା ସନ୍ତାନ ମଧ୍ୟ ଜନ୍ମ ଦେଇଛନ୍ତି ।
ସେହିପରି ନାବାଳିକାକୁ ଦୁଷ୍କର୍ମ ଅଭିଯୋଗରେ ଥାନଜାଭୁର ପୋଲିସ ଜଣେ ୧୨ ବର୍ଷର ନାବାଳକକୁ ଗିରଫ ମଧ୍ୟ କରିଛି । ସୂଚନାଅନୁସାରେ, ଥାନଜାଭୁର ଜଣେ ୧୭ ବର୍ଷୀୟ ନାବାଳିକର ପେଟ ଯନ୍ତ୍ରଣା ହେବାରୁ ଘରେ ଲୋକେ ଗତ ୧୭ ତାରିଖରେ ତାକୁ ସ୍ଥାନୀୟ ମେଡିକାଲରେ ଚିକିତ୍ସା କରିବା ପାଇଁ ଭର୍ତ୍ତି କରିଥିଲେ । ତେବେ ସେଠାରେ ମେଡିକାଲ କର୍ତ୍ତୃପକ୍ଷ ସମସ୍ତ ପରୀକ୍ଷା କରିବା ପରେ ନାବାଳିକ ଗର୍ଭବତୀ ଥିବା ପରିବାର ଲୋକଙ୍କୁ ଜଣାଇଥିଲେ ।
ସେହିଭଳି ନାବାଳିକା ସେହି ଦିନ କନ୍ୟା ସନ୍ତାନକୁ ଜନ୍ମ ଦେଇଥିଲା । ଏହା ପରେ ହସ୍ପିଟାଲ କର୍ତ୍ତୃପକ୍ଷ ପୋଲିସକୁ ଘଟଣା ସମ୍ପର୍କରେ ଜଣାଇଥିଲେ । ପୋଲିସ ମେଡିକାଲରେ ପହିଞ୍ଚି ନାବାଳିକାକୁ ପଚରାଉଚରା କରିବା ପରେ ସେ ସବୁ କଥା କହିଥିଲା । ତେବେ ନାବାଳିକାର ଘର ପାଖରେ ରହୁଥିବା ଜଣେ ନାବାଳକ ଦୁଷ୍କର୍ମ କରିଥିବା ସେ କହିଥିଲା ।
ଅନ୍ୟପଟେ ପୋଲିସ ସବୁ ଘଟଣା ଜାଣିବା ପରେ ପୋକ୍ସ ଆକ୍ଟରେ ଏକ ମାମଲା ରୁଜୁ କରିବା ସହ ଅଭିଯୁକ୍ତ ନାବାଳକକୁ ଗିରଫ କରିଛି । ଏଥିସହ ନାବାଳକକୁ କୋର୍ଟରେ ହାଜର କରିବା ପୂର୍ବରୁ ପୋଲିସ ବାଳ ସୁଧାର ଗୃହ ପଠାଇଛି । ଏପଟେ ଏହି ଘଟଣାକୁ ଗୁରୁତର ଭାବେ ନେବା ସହ ଏହି ଘଟଣାରେ ସମ୍ପୃକ୍ତ ନାବାଳକର ସମ୍ପୃକ୍ତି ରହିଛି ନାଁ ଆଉ କାହାର ଅଛି ତାକୁ ନେଇ ତଦନ୍ତ କରୁଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
