ଗାନ୍ଧୀନଗର: ଦେଶରେ ତାଣ୍ତବ ରଚି ଚାଲିଛି ମହାମାରୀ । ଏହାକୁ ନେଇ ଲୋକଙ୍କ ମନରେ ଭୟ ଲାଗି ରହିଥିବା ବେଳେ ଏହାରି ଭିତରେ କୋରୋନା ରୋଗୀଙ୍କ ମୁହଁରେ ହସ ଫୁଟାଇଛନ୍ତି ମିକି ମାଉସ । କୋରୋନା ରୋଗୀଙ୍କ ସହ ନାଚିଲେ ଗାଇଲେ ଓ ମଜା ବି କଲେ । କେବଳ କୋରୋନା ରୋଗୀଙ୍କ ସହ ନୁହେଁ ଡାକ୍ତର ଓ ସ୍ବାସ୍ଥ୍ୟ କର୍ମୀଙ୍କ ସହ କିଛି ସମୟ ମଧ୍ୟ ବିତାଇଲେ । ଏପରି ଘଟଣା ଦେଖିବାକୁ ମିଳିଛି ସୁରତର ଅତଲ କୋଭିଡ କେୟାର ସେଣ୍ଟରରେ ।
କୋରୋନା ରୋଗୀଙ୍କ ସହ ଝୁମିଲେ ମିକି ମାଉସ
2ଟି ମିକି ମାଉସ କୋଭିଡ କେୟାର ସେଣ୍ଟରରେ ପହଞ୍ଚିବା ପରେ ରୋଗୀଙ୍କ ସହ ବିଭିନ୍ନ ପ୍ରକାର ଗୀତରେ ଡ୍ୟାନ୍ସ କରିଥିଲେ । ଏହାକୁ ରୋଗୀମାନେ ମନଭରି ଉପଭୋଗ କରିଥିଲେ । କୋରୋନା ରୋଗୀଙ୍କୁ ମାନସିକ ଚିନ୍ତାରୁ ମୁକ୍ତି ପାଇଁ ଏକ ୟୁଥ ସଂଗଠନ ପକ୍ଷରୁ ଏପରି ନିଆରା କାର୍ଯ୍ୟକ୍ରମ କର।ଯାଇଥିଲା । ମନୋରଞ୍ଜନ ସହିତ କୋରୋନା ରୋଗୀ ଓ ମେଡିକାଲ କର୍ତ୍ତୃପକ୍ଷଙ୍କୁ କିଛି ଶୁଖିଲା ଖାଦ୍ୟ ଓ ଫଳ ମଧ୍ୟ ଦେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
