ଥିରୁଅନନ୍ତପୁରମ: ଆପଣ କିଛି ମହିଳାଙ୍କ ଶରୀରରେ ଅଧିକ ଲୋମ ଥିବା ନିଶ୍ଚିତ ଦେଖିଥିବେ । ହେଲେ ନିଶ ଥିବା ମହିଳାଙ୍କୁ କେବେ ଦେଖିଛନ୍ତି କି ? ନିଶ୍ଚିତ ଭାବରେ ଏହି ପ୍ରଶ୍ନ ଆପଣଙ୍କୁ ଆଶ୍ଚର୍ଯ୍ୟ କରୁଥିବ । ମାତ୍ର ଏହା ସତ । କେରଳରେ ନିଶ ଥିବା ଜଣେ ମହିଳା ଶୟଜା ( Kerala Moustache Woman Shyja)ଙ୍କୁ ଦେଖିବାକୁ ମିଳିଛି । ସେ ନିଜ ନିଶ ପାଇଁ କେବେ ଲଜ୍ଜିତ ନୁହଁନ୍ତି ବରଂ ଏଥିପାଇଁ ସେ ଗର୍ବ ଅନୁଭବ କରନ୍ତି ।
କୋରୋନା ମହାମାରୀ ଯୋଗୁଁ ମାସ୍କ ବାଧ୍ୟତାମୂଳକ କରାଯାଇଛି । ଆଉ ମାସ୍କ ପିନ୍ଧିବା ଦ୍ବାରା ତାଙ୍କ ନିଶ ମଧ୍ୟ ଲୁଚିଯାଉଛି । ଏଥିଲାଗି ସେ ଦୁଃଖିତ ବୋଲି କୁହନ୍ତି । ସେ ନିଜ ନିଶକୁ ଏକ ଅଲଗା ଦୃଷ୍ଟିରେ ଦେଖନ୍ତି । ଏହା ମଧ୍ୟ ଏକପ୍ରକାର ସୌନ୍ଦର୍ଯ୍ୟ ବୋଲି କୁହନ୍ତି ଉକ୍ତ ମହିଳା । ଏନେଇ ମହିଳା ଜଣକ କୁହନ୍ତି ଯେ, "ମୁଁ ନିଜକୁ ଓ ମୋ ନିଶକୁ ଭଲପାଏ । ଏହାକୁ ଲୁଚାଇବାକୁ ମୁଁ କେବେ ଚେଷ୍ଟା କରିନାହିଁ ।" ଶୟଜାଙ୍କ ନିଶ ଥିବା ଏକ ଫଟୋ ଏବେ ସୋସିଆଲ ମିଡ଼ିଆରେ ଖୁବ ଭାଇରାଲ ହେଉଛି ।
ଅନେକ ଲୋକ ନିଶ କାଟିବାକୁ ମହିଳାଙ୍କୁ ପରାମର୍ଶ ଦିଅନ୍ତି । ମାତ୍ର ମହିଳାଙ୍କୁ ଏଥିପ୍ରତି କୌଣସି ଅସୁବିଧା ନାହିଁ ବୋଲି ସେ କୁହନ୍ତି । ସେ ତାଙ୍କୁ କୌଣସି ପ୍ରକାର ଅସୁବିଧାରେ ପକାଉନଥିବା ମଧ୍ୟ କୁହନ୍ତି ମହିଳା । ଏହି ନିଶକୁ ନେଇ ତାଙ୍କ ସ୍ବାମୀ ଓ ସନ୍ତାନଙ୍କ ମଧ୍ୟ କୌଣସି ପ୍ରକାର ଅସୁବିଧା ନାହିଁ ବୋଲି ସେ କୁହନ୍ତି ।
