MCD poll: ଦିଲ୍ଲୀରେ ନୈରାଶ୍ୟଜନକ ଭୋଟିଂ, ଅପରାହ୍ନ 4 ସୁଦ୍ଧା ମାତ୍ର 45 ପ୍ରତିଶତ

ଦିଲ୍ଲୀରେ ଜାରି ରହିଛି ମହାନଗର ନିଗମ ନିର୍ବାଚନ (Delhi municipal corporation poll) ପାଇଁ ମତଦାନ । ଭୋଟିଂକୁ ନେଇ ନାହିଁ ଦିଲ୍ଲୀବାସୀଙ୍କ ମଧ୍ୟରେ ଉତ୍ସାହ । ଅପରାହ୍ନ 4 ସୁଦ୍ଧା ମାତ୍ର 45 ପ୍ରତିଶତ । ସଂଧ୍ୟା 5.30 ରେ ଶେଷ ହେବା ଭୋଟିଂ । ସ୍ବାଭାବିକ ଠାରୁ ଭୋଟିଂ ପ୍ରତିଶତ ଯଥେଷ୍ଟ ହ୍ରାସ ପାଇବା ଆଶଙ୍କା । ଅଧିକ ପଢନ୍ତୁ

ହାଇଦ୍ରାବାଦ: ଆଜି (ରବିବାର) ଦିଲ୍ଲୀ ମହାନଗର ନିଗମ (Delhi municipal corporation poll ) ନର୍ବାଚନ ପାଇଁ ଭୋଟିଂ ଜାରି ରହିଛି । ହେଲେ ରାଜଧାନୀବାସୀଙ୍କ ଠାରେ ମତାଧିକାର ସାବ୍ୟସ୍ତ କରିବାକୁ ନେଇ ସେତେଟା ଉତ୍ସାହ ପରିଲିକ୍ଷିତ ହୋଇନାହିଁ । ଅପରାହ୍ନ 4ଟା ସୁଦ୍ଧା ମାତ୍ର 45 ପ୍ରତିଶତ ଭୋଟିଂ ହୋଇଥିବା ରାଜ୍ୟ ମୁଖ୍ୟ ନର୍ବାଚନ ଅଧିକାରୀଙ୍କ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି । ଅପରାହ୍ନ 2ଟା ସୁଦ୍ଧା ମାତ୍ର 30 ପ୍ରତିଶତ ଭୋଟିଂ ରେକର୍ଡ ହୋଇଥିଲା । ତେବେ 4 ଟା ସୁଦ୍ଧା ଏହି ହାର 45 ପ୍ରତିଶତକୁ ବୃଦ୍ଧି ପାଇଛି ।

• The polling percentage in Delhi MCD elections, for all 250 wards, stands at approx 45% till 4 PM: State Election Commission#MCDElections

  — ANI (@ANI) December 4, 2022 " class="align-text-top noRightClick twitterSection" data="

  The polling percentage in Delhi MCD elections, for all 250 wards, stands at approx 45% till 4 PM: State Election Commission#MCDElections

  — ANI (@ANI) December 4, 2022

  ">

  The polling percentage in Delhi MCD elections, for all 250 wards, stands at approx 45% till 4 PM: State Election Commission#MCDElections

  — ANI (@ANI) December 4, 2022

ଆଜି ଦିଲ୍ଲୀ ମହାନଗର ନିଗମର ସମସ୍ତ 250 ଓ୍ବାର୍ଡ ପାଇଁ ମତଦାନ ହେଉଛି (Delhi municipal corporation poll )। ମତଦାନ ପ୍ରକ୍ରିୟା ସକାଳ 8ଟା ରୁ ଆରମ୍ଭ ହୋଇଥିବା ବେଳେ ସଂଧ୍ୟା 5.30 ରେ ଶେଷ ହେବାକୁ ଯାଉଛି । ଭୋଟିଂ ଆରମ୍ଭରୁ ଦିଲ୍ଲୀବାସୀଙ୍କ ମଧ୍ୟରେ ମତଦାନକୁ ସେପରି ଉତ୍ସାହ ଦେଖିବାକୁ ମିଳି ନଥିଲା । ପ୍ରାରମ୍ଭିକ ପର୍ଯ୍ୟାୟରେ ପୂର୍ବାହ୍ନ 10.30 ଟା ଯାଏ ମାତ୍ର 9 ପ୍ରତିଶତ ଭୋଟର ସେମାନଙ୍କର ମତାଧିକାର ସାବ୍ୟସ୍ତ କରିଥିଲେ । ସେହିପରି ମଧ୍ୟାହ୍ନ 12 ଟା ସୁଦ୍ଧା ମାତ୍ର 18 ପ୍ରତିଶତ ଭୋଟିଂ, ଅପରାହ୍ନ 2 ଟା ସୁଦ୍ଧା 30 ପ୍ରତିଶତ ଭୋଟିଂ ଓ ବର୍ତ୍ତମାନର ଶେଷ ଅପଡେଟ ଅନୁସାରେ 4ଟା ସୁଦ୍ଧା ମାତ୍ର 45 ପ୍ରତିଶତ ଭୋଟିଂ ରେକର୍ଡ ହୋଇଛି । ଯାହା ସ୍ବାଭାବିକ ଭୋଟିଂ ପ୍ରତିଶତ ଠାରୁ କମ ।

ରାଜଧାନୀ ଦିଲ୍ଲୀରେ ମୋଟ 1.45 କୋଟି ପଞ୍ଜୀକୃତ ଭୋଟର ରହିଛନ୍ତି । ସେହିପରି ଏହି ନିର୍ବାଚନରେ 250 ଓ୍ବାର୍ଡରେ ବିଭିନ୍ନ ଦଳର ମୋଟ 1,349 ପ୍ରାର୍ଥୀ ପ୍ରତିଦ୍ବନ୍ଦ୍ବିତା କରୁଛନ୍ତି । ମୁଖ୍ୟ ପ୍ରତିଦ୍ବନ୍ଦିତା ଆମ ଆଦମୀ ପାର୍ଟି, ଭାରତୀୟ ଜନତା ପାର୍ଟି ଓ କଂଗ୍ରେସ ମଧ୍ୟରେ ହେଉଛି । ସଂଧ୍ୟା 5.30 ରେ ମତାଦାନ ପ୍ରକ୍ରିୟା ଶେଷ ହେବାକୁ ଯାଉଥିବା ବେଳେ ବର୍ତ୍ତମାନର ଭୋଟିଂ ହାର ବଜାୟ ରହିଲେ ଭୋଟିଂ ପ୍ରତିଶତ ସ୍ବାଭାବିକ ହାର ଠାରୁ ଢେର କମ ରହିବ । ଆଜି ରବିବାର ଥିବା ସତ୍ତ୍ବେ ରାଜଧାନୀବାସୀ ମତଦାନକୁ ନେଇ ସେପରି ଉତ୍ସାହ ପ୍ରକାଶ କରିନଥିବା ଦେଖିବାକୁ ମିଳିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ