ଚେନ୍ନାଇ: ତାମିଲନାଡୁ କଲ୍ଲାକୁରିଚି ଜିଲ୍ଲା ଅନ୍ତର୍ଗତ ଶଙ୍କରପୁରମ ଅଞ୍ଚଳରେ ଅଘଟଣ । ମଙ୍ଗଳବାର ବିଳମ୍ବିତ ରାତିରେ ଶଙ୍କରପୁରସ୍ଥିତ ଏକ ବାଣ ଦୋକାନରେ ଅଗ୍ନିକାଣ୍ଡ ଘଟିଛି । ନିଆଁ ଲାଗିବା ପରେ ବାଣ ଥିବା ଯୋଗୁଁ ଦୋକାନରେ ବିସ୍ଫୋରଣ ହୋଇଛି । ଏହି ଅଘଟଣରେ ୬ ଜଣଙ୍କ ମୃତ୍ୟୁ ଘଟିଥିବା ବେଳେ ପ୍ରାୟ ୧୦ ଜଣ ନିଆଁରେ ପୋଡି ହୋଇ ଗୁରୁତର ଅଛନ୍ତି । ଗୁରୁତରଙ୍କୁ କୁଲ୍ଲାକରିଚି ହସ୍ପିଟାଲରେ ଭର୍ତ୍ତି କରାଯାଇଛି ।
ବାଣ ଦୋକାନରେ ଲାଗିଲା ନିଆଁ; ୬ ମୃତ, ୧୦ ଆହତ
ମୁରୁଗାନ ନାମକ ଜଣେ ବ୍ୟକ୍ତିଙ୍କର ଏହି ବାଣ ଦୋକାନଟି ହୋଇଥିବା ଜଣାପଡିଛି । ତେବେ ଦୋକାନରେ ନିଆଁ ଲାଗିବାର ଖବର ପାଇ ତୁରନ୍ତ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଆୟତ୍ତ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
