ରାଇପୁର: ଛତିଶଗଡର ଦାନ୍ତେଓ୍ବାଡାରେ ପୋଲିସ ପ୍ରଶାସନର ଉଦ୍ୟମରେ ପ୍ରଥମ ଥର 14 ଫେବୃଆରୀ ଭାଲେଣ୍ଟାଇନ ଡେରେ ଆତ୍ମସମର୍ପଣ କରିଥିବା 15 ଜଣ ମାଓବାଦୀ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଏମାନେ ପୂର୍ବରୁ ପ୍ରେମୀଯୁଗଳ ଥିଲେ । ସେଥିପାଇଁ ବିବାହ ପାଇଁ ଭାଲେଣ୍ଟାଇନ ଡେ’କୁ ସ୍ଥିର କରାଯାଇଥିଲା । ଏମାନଙ୍କ ସାମୂହିକ ବିବାହ ଜେଲରେ ଅନୁଷ୍ଠିତ ହେବ ।
ମୁଖ୍ୟମନ୍ତ୍ରୀ କନ୍ୟା ବିବାହ ଯୋଜନା ଅଧିନରେ ଏହି ବିବାହ ଅନୁଷ୍ଠିତ ହୋଇଛି । ଏଥିରେ ମହିଳା ଏବଂ ଶିଶୁ ବିକାଶ ବିଭାଗ ଦ୍ବାରା ବିବାହ ପ୍ରମାଣ ପତ୍ର ଦିଆଯିବ । ପୋଲିସ ଅଧିକାରୀ ଭାବେ ଏସପି ଅଭିଷେକ ପଲ୍ଲବ ବର-ବଧୂଙ୍କୁ 10 ହଜାର ଟଙ୍କା ବିବାହ ଭେଟି ଦେଇଛନ୍ତି । ଏଥିସହିତ ଏସପି ଅଭିଷେକ ପଲ୍ଲବ ବର-କନ୍ୟାଙ୍କୁ ଆଶୀର୍ବାଦ ଦେବା ସହିତ ନାଚିଛନ୍ତି । ଏହି ବିବାହର ବିଶେଷତ୍ବ ହେଉଛି ଯେ, ଏସପି ସମ୍ପୂର୍ଣ୍ଣ ଆଦିବାସୀ ରୀତିନୀତିରେ ଏହି ବିବାହ କରାଇଛନ୍ତି ।
ଏସପି ଅଭିଷେକ ପଲ୍ଲବ ବର ପକ୍ଷରୁ ବରଯାତ୍ରୀ ନେଇ କନ୍ୟା ଘରକୁ ଯାଇଥିଲେ । ସେଠାରେ ଅତିରିକ୍ତ ଏସପି କନ୍ୟା ପକ୍ଷରୁ ସାମିଲ ହୋଇ ସମ୍ପୂର୍ଣ୍ଣ ରିତିନିତୀରେ ଏହା ଅନୁଷ୍ଠିତ ହୋଇଛି ।
ପ୍ରତ୍ୟେକ ଦମ୍ପତିଙ୍କୁ 35 ହଜାର ଟଙ୍କା ପର୍ଯ୍ୟନ୍ତ ଉପହାର ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ମିଳିଛି । ଯେଉଁଥିରେ 25 ହଜାର ଟଙ୍କାର ଦୈନିକ ବ୍ୟବହାର୍ଯ୍ୟ ଜିନିଷ ଯଥା, ଆଲମାରୀ, ବାସନ କୁସନ ଇତ୍ୟାଦି ବ୍ୟତୀତ 10 ହଜାର ଟଙ୍କା ନଗଦ ମଧ୍ୟ ଦିଆଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
