ନୂଆଦିଲ୍ଲୀ: ଅଳ୍ପକେ ଟଳିଲା ବିପଦ । ଅବତରଣର କିଛି ସମୟ ପୂର୍ବରୁ ଅସୁବିଧାର ସମ୍ମୁଖୀନ ହେଲା ମୁମ୍ବାଇରୁ ଦୁର୍ଗାପୁରକୁ ଉଡାଣ ଆରମ୍ଭ କରିଥିବା ସ୍ପାଇସଜେଟ । ୪୦ ଜଣ ଯାତ୍ରୀ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୧୫ ଜଣଙ୍କ ଅବସ୍ଥା ଗୁରୁତର ଥିବା ସୂଚନା । ସମସ୍ତ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏନେଇ ସ୍ପାଇସଜେଟ ମୁଖପାତ୍ ସୂଚନା ଦେଇଛନ୍ତି ।
ସୂଚନା ଅନୁଯାୟୀ ଗତକାଲି ସ୍ପାଇସଜେଟ ବୋଇଙ୍ଗ B737 ବିମାନ ମୁମ୍ବାଇରୁ ଦୁର୍ଗାପୁର ଅଭିମୁଖେ ଉଡାଣ ଆରମ୍ଭ କରିଥିଲା । ତେବେ ଦୁର୍ଗାପୁରରେ ଅବତରଣ କରିବାର କିଛି ସମୟ ପୂର୍ବରୁ ବିମାନଟି ଅସୁବିଧାର ସମ୍ମୁଖୀନ ହୋଇଥିଲା । ଫଳରେ ଯାତ୍ରୀ ମାନେ ଏଥିରେ ଆହତ ହୋଇଥିଲେ । ତେବେ ବିମାନଟି ପହଞ୍ଚିବା ପରେ ସମସ୍ତ ଯାତ୍ରୀଙ୍କୁ ଚିକିତ୍ସା ସହାୟତା ଯୋଗାଇ ଦିଆଯାଇଥିବା କହିଛନ୍ତି ମୁଖପାତ୍ର ।
