ସିଲଙ୍ଗ: ରିଙ୍ଗଡି ନଦୀକୁ ଖସିଲା ବସ । ଏଥିରେ 6 ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଏହାସହ ଅନ୍ୟ ଯାତ୍ରୀଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି । ସୂଚନା ଅନୁସାରେ,ଗୁରୁବାର ବିଳମ୍ବିତ ରାତିରେ ମେଘାଳୟର ଟୁରୁରୁ ସିଲଙ୍ଗ ଯାଉଥିବା ଏକ ବସ ନୋଙ୍ଗଚାରମ ରିଙ୍ଗଡି ନଦୀକୁ ଖସିପଡିଥିଲା ।
ଖବର ପାଇଁ ଘଟଣାସ୍ଥଳରେ ଇଷ୍ଟ ଗାରୋହିଲ୍ସ ପୋଲିସ ପହଞ୍ଚିଥିଲା । ପରେ ଉଦ୍ଧାରକାରୀ ଦଳ ଘଟଣାସ୍ଥଳ ପହଞ୍ଚି ଅଗ୍ନିଶମ ବାହିନୀ ମିଳିତ ଭାବେ ରେସକ୍ୟୁ ଅପରେସନରେ କରିଥିଲେ । ଆହତଙ୍କୁ ଉଦ୍ଧାର କରି ରୋଙ୍ଗଜେଙ୍ଗ ପିଏଚସିରେ ଭର୍ତ୍ତି କରାଯାଇଛି ।
ତେବେ ବସରେ ତୁରାର ୯ ଯାତ୍ରୀ ଥିବା ବେଳେ ଓ୍ବିଲିୟମନଗରର ୧୨ ଜଣ ଯାତ୍ରୀ ଥିଲେ । ସେପଟେ, ଆଗକୁ ମଧ୍ୟ ମୃତ୍ୟୁ ସଂଖ୍ୟା ବଢିବାର ଆଶଙ୍କା କରାଯାଉଛି । ତେବେ କେଉଁ ପରିସ୍ଥିତିରେ ବସଟି ନଦୀକୁ ଖସିଲା ସେନେଇ ଅଧିକ ତଦନ୍ତ ଜାରି ରଖିଛି ପୋଲିସ ।
@ANI
