ନୂଆଦିଲ୍ଲୀ: ଦିଲ୍ଲୀର ମୁଣ୍ଡକାସ୍ଥିତ ଏକ ବିଲ୍ଡିଂରେ ଅଗ୍ନିକାଣ୍ଡ ଘଟି ୨୭ ଜଣ ପ୍ରାଣ ହରାଇବା ଘଟଣାରେ ତଦନ୍ତ ଜାରି ରହିଛି । ଆଜି (ରବିବାର) ବିଲ୍ଡିଂ ମାଲିକ ମନୀଷ ଲାକ୍ରାଙ୍କୁ ପୁଲିସ ଗିରଫ କରିଛି । ଘଟଣା ପର ଠାରୁ ଲାକ୍ରା ଫେରାର ଥିବାବେଳେ ଆଜି ପୋଲିସ ତାଙ୍କୁ ଠାବ କରିବା ସହ ଗିରଫ କରିବାରେ ସଫଳ ହୋଇଛି ।
ଶୁକ୍ରବାର ସନ୍ଧ୍ୟାରେ ଦିଲ୍ଲୀର ମୁଣ୍ଡକାସ୍ଥିତ ଏକ ଚାରି ମହଲା ବିଲ୍ଡିଂରେ ଅଗ୍ନିକାଣ୍ଡ ଘଟିଥିଲା । ଏଥିରେ 27 ଜଣ ପ୍ରାଣ ହରାଇବା ସହ 12 ଜଣ ଗୁରୁତର ହୋଇଥିଲେ । ସମସ୍ତ ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା । ଫାୟାର ଟିମର ଏକାଧିକ ୟୁନିଟ ଏହି ନିଆଁ ଲିଭା କାର୍ଯ୍ୟରେ ନିୟୋଜିତ ଥିବାବେଳେ ପ୍ରାୟ 100ରୁ ଊର୍ଦ୍ଧ୍ବ ଲୋକଙ୍କୁ ସୁରକ୍ଷିତ ଉଦ୍ଧାର କରାଯାଇଥିଲା।
ତେବେ ଘଟଣାର ତଦନ୍ତ ଆରମ୍ଭ ହୋଇଥିଲା । ବିଲ୍ଡିଂରେ ଅଗ୍ନି ନିରାପତ୍ତା ବ୍ୟବସ୍ଥା ଓ ଅନ୍ୟ କିଛି ଆବଶ୍ୟକୀୟ ବ୍ୟବସ୍ଥାର ଅନୁପାଳନ କରାଯାଇଥିଲା କି ନାହିଁ ତାହା ତଦନ୍ତ କରାଯାଇଥିଲା । ଆଜି ମାଲିକ ଲାକ୍ରାଙ୍କୁ ଗିରଫ କରାଯାଇଥିବା ବେଳେ ପୂର୍ବରୁ ଅନ୍ୟ ଦୁଇ ଅଭିଯୁକ୍ତ ତଥା ବିଲ୍ଡିଂ କାର୍ଯ୍ୟାଳୟ ସହ ଜଡିତ ହରିଶ ଗୋୟଲ ଏବଂ ବରୁଣ ଗୋଏଲଙ୍କୁ ଗିରଫ କରିସାରିଛି ପୋଲିସ ।
ବ୍ୟୁରୋ ରିପୋର୍ଟ, ଇଟିଭି ଭାରତ
