ବେଙ୍ଗାଲୁରୁ: ଛତା ଧରି ଠିଆ ହୋଇଥିବା ଏହି ବ୍ୟକ୍ତିଙ୍କ ଫଟୋ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ତେବେ ଫଟୋ ପଛର ପ୍ରକୃତ ସତ୍ୟତା ଜାଣିଲେ ଆପଣ ଟିକେ ବିଚଳିତ ହୋଇପାରନ୍ତି ।
ଏହି ଫଟୋଟି ହେଉଛି କର୍ଣ୍ଣାଟକର ଦକ୍ଷିଣ କାନ୍ନାଡାର । କୋରୋନା ମହାମାରୀ ପାଇଁ ପିଲାଙ୍କ ପାଠପଢା ଅନଲାଇନରେ ଚାଲିଥିବା ଆପଣ ସମସ୍ତେ ଜାଣନ୍ତି। ତେବେ ଘରେ ନେଟୱାର୍କ ସମସ୍ୟା ପାଇଁ ଝିଅଟି ଘରଠାରୁ ଦୂରକୁ ଯାଇ ଅନଲାଇନ କ୍ଲାସ କରୁଥିଲା । ବର୍ଷା ହେବାରୁ ଝିଅକୁ ଯେପରି ଅନଲାଇନ କ୍ଲାସରେ କୌଣସି ବାଧା ନ ଉପୁଜୁ, ସେଥିପାଇଁ ତାଙ୍କ ବାପା ଛତା ଧରି ଠିଆ ହୋଇଥିଲେ । ଯେଉଁ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି ।
ମହାମାରୀ ବେଳେ ପିଲାଙ୍କ ପାଠପଢାର ଏକମାତ୍ର ବିକଳ୍ପ ପାଲଟିଥିବା ଅନଲାଇନ କ୍ଲାସରେ ପିଲାଙ୍କୁ ନାନା ଅସୁବିଧାର ସମ୍ମୁଖୀନ ହେବାକୁ ପଡୁଛି । ନେଟୱାର୍କ ସମସ୍ୟା ପାଇଁ ବହୁ ପିଲା ଘର ବାହାରକୁ ଯାଇ ଅନଲାଇନ କ୍ଲାସ ଆଟେଣ୍ଡ କରୁଛନ୍ତି । ଏପରିକି ଉପାନ୍ତ ଅଞ୍ଚଳର କିଛି ପିଲା ଅନଲାଇନ କ୍ଲାସ ପାଇଁ ପାହାଡ ଉପରକୁ ଯାଉଥିବା ଦେଖିବାକୁ ମିଳୁଛି । ଏହି ସମସ୍ୟା ନେଇ କିଛି ଅଭିଭାବକ ପ୍ରଧାନମନ୍ତ୍ରୀ ମୋଦିଙ୍କୁ ଚିଠି ଲେଖିଥିବା ଜଣାପଡିଛି ।
