ନୂଆଦିଲ୍ଲୀ: ଆସନ୍ତା ଫେବୃଆରୀ ୧୫ରେ ସରିବାକୁ ଯାଉଛି ରାଜ୍ୟସଭାରେ ବିରୋଧୀ ଦଳର ନେତା ଗୁଲାମ ନବୀ ଆଜାଦଙ୍କ କାର୍ଯ୍ୟକାଳ । ଗୃହର ଅଧ୍ୟକ୍ଷ ଉପରାଷ୍ଟ୍ରପତି ଭେଙ୍କେୟା ନାଇଡୁଙ୍କ ସମେତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଶରଦ ପାୱାର ଏବଂ ଅନେକ ନେତା ଗୁଲାମ ନବୀଙ୍କୁ ବିଦାୟ ଜଣାଇଛନ୍ତି । ଏପରିକି ଆଜାଦଙ୍କୁ ବିଦାୟ ଦେଇ ରାଜ୍ୟସଭାରେ ଭାବପ୍ରବଣ ହୋଇ କାନ୍ଦି ପକାଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ହେଲେ ରାଜ୍ୟସଭାରୁ ଆଜାଦଙ୍କ ବିଦାୟ ସହ ଏବେ ବଡ ପ୍ରଶ୍ନ ଉଠିଛି କାହାକୁ ବିରୋଧୀ ଦଳର ନେତା ଆସନରେ ବସାଇବ କଂଗ୍ରେସ ?
ଗୁଲାମ ନବୀଙ୍କ ରାଜ୍ୟସଭାରୁ ଅବସର ପରେ ଦଳର ବରିଷ୍ଠ ନେତା ଓ ଲୋକସଭାରେ କଂଗ୍ରେସ ନେତା ରହିସାରିଥିବା ମଲ୍ଲିକାର୍ଜୁନ ଖଡଗେଙ୍କୁ ରାଜ୍ୟସଭାରେ ବିରୋଧୀ ଦଳର ନେତା କରିବା ନେଇ ଚର୍ଚ୍ଚା ହେଉଛି । ଖଡଗେ ନିକଟରେ ସାଂସଦ ରୂପେ ରାଜ୍ୟସଭାକୁ ଆସିଥିଲେ । ୨୦୧୯ ସାଧାରଣ ନିର୍ବାଚନ ହାରିଯାଇଥିଲେ ଖଡଗେ ।
