ମୁମ୍ବାଇ: ମହାରାଷ୍ଟ୍ରରେ ଗତ 24 ଘଣ୍ଟା ମଧ୍ୟରେ 63ହଜାର 2ଶହ 94ନୂଆ ସଂକ୍ରମଣ ମାମଲା ରେକର୍ଡ ହୋଇଛି । ସେହିପରି ରାଜ୍ୟରେ ଗତ 24 ଘଣ୍ଟାରେ 349 ଆକ୍ରାନ୍ତ ପ୍ରାଣ ହରାଇଛନ୍ତି । ସେହିପରି ଆଜି ଗୋଟିଏ ଦିନରେ 34 ହଜାର 8 ଜଣ ଆକ୍ରାନ୍ତ ମଧ୍ୟ ସୁସ୍ଥ ହୋଇଛନ୍ତି ।
ଆଜିର ସଂଖ୍ୟାକୁ ମିଶାଇ ରାଜ୍ୟରେ ମୋଟ 34ଲକ୍ଷ 7 ହଜାର 2ଶହ 45 ଆକ୍ରନ୍ତ ହୋଇଥିବା ଜଣାପଡିଛି । ସେହିପରି ଆଜି ସୁଦ୍ଧା ରାଜ୍ୟରେ ମୋଟ 27 ଲକ୍ଷ 82 ହଜାର 161 ଜଣ ଆକ୍ରାନ୍ତ କୋରୋନାରୁ ସୁସ୍ଥ ହୋଇ ଫେରିଛନ୍ତି । ରାଜ୍ୟରେ ମୋଟ କୋରୋନା ଜନିତ ମୃତ୍ୟୁ ସଂଖ୍ୟା 57ହଜାର 9ଶହ 87ରେ ପହଞ୍ଚିଛି ।
ବର୍ତ୍ତମାନ ସୁଦ୍ଧା ମଧ୍ୟ 5 ଲକ୍ଷ 65 ହଜାର ଆକ୍ରାନ୍ତ ରାଜ୍ୟର ବିଭିନ୍ନ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ରହିଥିବା ମଧ୍ୟ ସୂଚନା ରହିଛି । ତେବେ ଦେଶରେ କୋରୋନା ସଂକ୍ରମଣର ଦ୍ବିତୀୟ ଲହର ପ୍ରଭାବ ମହାରାଷ୍ଟ୍ରରେ ସବୁଠୁ ଅଧିକ ରହିଛି । ସେହିପରି ରାଜ୍ୟରେ କୋଭିଡ ଗାଇଡଲାଇନକୁ କଡାକଡି କରିବା ପାଇଁ ଉଦ୍ୟମ ଜାରି ରଖିଛନ୍ତି ରାଜ୍ୟ ସରକାର । ଗତକାଲି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ନେତୃତ୍ବରେ ସର୍ବଦଳୀୟ ବୈଠକ ବସିଥିଲା । ଆବଶ୍ୟକ ପଡିଲେ ରାଜ୍ୟରେ ପୁଣି ଥରେ ଲକଡାଉନ ଜାରି କରାଯିବା ନେଇ ସରକାର ପୂର୍ବରୁ ମଧ୍ୟ ସ୍ପଷ୍ଟ କରିସାରିଛନ୍ତି ।
@ ANI
