ଭୋପାଳ: ମଧ୍ୟପ୍ରଦେଶ ବିଧାନସଭା ନର୍ବାଚନ ଫଳାଫଳ ଆଜି ବାହାରିବ । ପ୍ରଦେଶରେ ଆଗାମୀ 5 ବର୍ଷ ପାଇଁ କିଏ ସରକାର ଗଢିବ ଏହାର ଫଇସଲା ଆଜି ହୋଇଯିବ । ଏନେଇ ରାଜ୍ୟର 52ଟି ଜିଲ୍ଲା ମୁଖ୍ୟାଳୟରେ ଭୋଟ ଗଣତି ଜାରି ରହିଛି । ଏକଜିଟ ସତ ହୋଇଛି । ବିଜେପି ଓ କଂଗ୍ରେସ ମଧ୍ୟରେ କଡ୍ଡା ଟକ୍କର ହୋଇଛି । ପ୍ରାରମ୍ଭିକ ଟ୍ରେଣ୍ଡରେ ରାଜ୍ୟରେ ବିଜେପି ଆଗୁଆ ରହିଛି । କଂଗ୍ରେସର ଅବସ୍ଥା ବହୁତ ଖରାପ । ମାତ୍ର ଛିନ୍ଦୱାଡରେ ଆଗୁଆ ରହିଛନ୍ତି କମଳନାଥ । ବୁଧନି ଆସନରେ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଆଗୁଆ ରହିଛନ୍ତି ।
ଏମପିରେ ବିଜେପି 128 ଆସନରେ ଆଗୁଆ: ମଧ୍ୟପ୍ରଦେଶରେ ବିଜେପି ଓ କଂଗ୍ରେସ ମଧ୍ୟରେ ଜୋରଦାର ଟକ୍କର ହୋଇଛି । ଆଗପଛ ହୋଇ ଚାଲିଛନ୍ତି ଦୁଇ ଦଳ । ପ୍ରାରମ୍ଭିକ ଗଣତି ଅନୁସାରେ ମଧ୍ୟପ୍ରଦେଶରେ 129 ଆସନରେ ବିଜେପି ଆଗୁଆ ରହିଛି । କଂଗ୍ରେସ 99ଟି ଆସନରେ ଆଗରେ ରହିଛି । ରାଜ୍ୟରେ ସରକାର ଗଢିବାକୁ ହେଲେ ମ୍ୟାଜିକ ନମ୍ବର 116 ରହିଛି । ଏବେ ସୁଦ୍ଧା 227 ଆସନର ପ୍ରାରମ୍ଭିକ ଟ୍ରେଣ୍ଡ ଆସିଛି । ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ବୁଧନି ଆସନରେ ଆଗୁଆ ରହିଛନ୍ତି । ଚୋରାଇରେ ବିଜେପିର ଲଖନ ବର୍ମା 263 ଭୋଟରେ ଆଗୁଆ ରହିଛନ୍ତି ।
ଛିନ୍ଦୱାଡରେ ଆଗୁଆ କମଲନାଥ: ଛିନ୍ଦୱାଡାରେ ଆସନରେ ପ୍ରଥମ ରାଉଣ୍ଡ ଗଣତି ଶେଷ ହୋଇଛି । ଏହି ଆସନରେ କଂଗ୍ରେସର କମଲନାଥ ଆଗରେ ରହିଛନ୍ତି । କଂଗ୍ରେସ 1950 ଭୋଟରେ ଆଗୁଆ ରହିଛି । କମଲନାଥଙ୍କୁ 6680 ଖଣ୍ଡ ଭୋଟ ମିଳିଛି । ଛିନ୍ଦୱାଡରେ ବିଜେପିର ବିବେକ ବଣ୍ଟି ସାହୁ 4730 ଖଣ୍ଡ ଭୋଟ ପାଇଛନ୍ତି । ଇଚ୍ଛାବର ପ୍ରଥମ ରାଉଣ୍ଡ ଗଣନାରେ କଂଗ୍ରେସ ଆଗରେ ରହିଛି । ଗୋୱାଲିୟରରେ କଂଗ୍ରେସ ଆଗରେ ରହିଛି ।
