ଜୟପୁର: ରାଜସ୍ଥାନର ସୁଡାଲା ଏଲିବେଟେଡ ରାସ୍ତାରେ ମର୍ମନ୍ତୁଦ ସଡକ ଦୁର୍ଘଟଣା । ରାସ୍ତାରେ ଜଣେ ପଦଚାରୀଙ୍କୁ ପଛପଟୁ ଗୋଟିଏ କାର ଧକ୍କା ଦେଇଥିଲା । ଫଳରେ ଯୁବକ ଜଣକ 30ଫୁଟ ଉଚ୍ଚ ଉପରକୁ ଛିଟ୍କି ପଡିବାରୁ ତାଙ୍କର ମୃତ୍ୟୁ ହୋଇଛି ।
ବଡ ବଡିଆଙ୍କ ଅମାନିଆ ଗାଡି ଚାଳନା । ଦାମୀ କାରରେ ଯାଉଥିବା ଦୁଇ ଯୁବତୀ ରାସ୍ତାରେ ଯାଉଥିବା ଜଣେ ପଦଚାରୀ ଯୁବକଙ୍କୁ ପଛ ପଟୁ ଧକ୍କା ଦେଇଥିଲେ । ଫଳରେ ଯୁବକ ଜଣକ 30ଫୁଟ ଉଚ୍ଚକୁ ଉଡି ଜଣଙ୍କ ଛାତରେ ପଡିଥିଲେ । ଫଳରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି ।
ଦୁର୍ଘଟଣାରେ କାରର ଗୋଟିଏ ପାର୍ଶ୍ବ ସମ୍ପୂର୍ଣ୍ଣ ଭାଙ୍ଗିଯାଇଛି । ରାସ୍ତାରେ ଯାଉଥିବା ଜଣେ ପଥଚାରୀ ଦୁର୍ଘଟଣା ସମ୍ପର୍କରେ ପୋଲିସକୁ ଜଣାଇଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ଏସଏମଏସ ଡାକ୍ତରଖାନାରେ ଭର୍ତ୍ତି କରିଛନ୍ତି । ଦୁର୍ଘଟଣା ଘଟାଇଥିବା କାରଟିକୁ ଜବତ କରିଛି ରାଜସ୍ଥାନ ପୋଲିସ । ମୃତକଙ୍କ ପରିବାର ଥାନାରେ ମାମଲା ଦାୟର କଲେ ଘଟଣାର ତଦନ୍ତ ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି ।
ଖବର ଅନୁସାରେ, ଯୁବକଜଣଙ୍କ ରାଜସ୍ଥାନ ପୋଲିସ ଦ୍ବାରା ଆୟୋଜିତ କନଷ୍ଟେବଳ ପଦବୀରେ ପରୀକ୍ଷା ଦେବାକୁ ଜୟପୁର ଆସିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
