ଶ୍ରୀନଗର: ଜମ୍ମୁ କାଶ୍ମୀର ବଜାରରେ ଆତଙ୍କବାଦୀ ଆକ୍ରମଣର ବଡ ଷଡଯନ୍ତ୍ର ପଣ୍ଡ ହୋଇଛି । କାଶ୍ମୀରର ସୋପିଆନରୁ ସୋମବାର ଗିରଫ ହୋଇଛି ଜଣେ ଆତଙ୍କବାଦୀ ।
ସୂଚନା ଅନୁଯାୟୀ, ଆତଙ୍କୀ ସଙ୍ଗଠନ ଲସ୍କର ଏ ତୋଇବା ବଡ ଆକ୍ରମଣର ନେଇ ଷଡଯନ୍ତ୍ର କରିଥିଲା । ଟାର୍ଗେଟରେ ରହିଥିଲା ଜନଗହଳିପୂର୍ଣ୍ଣ ବଜାର । ଏହାପୂର୍ବରୁ ଏଲଇଟିର ଟପ କମାଣ୍ଡର ନଦୀମ ଅବରାରକୁ ଗିରଫ କରିଛନ୍ତି ସୁରକ୍ଷାକର୍ମୀ ।
ଆତଙ୍କୀ ନଦୀମ ଜମ୍ମୁ କାଶ୍ମୀରରେ ସୁରକ୍ଷାବାହିନୀ ଏବଂ ସାଧାରଣ ନାଗରିକଙ୍କ ଉପରେ ହୋଇଥିବା ଅନେକ ଆକ୍ରମଣରେ ଜଡିତ ଥିଲା। ନଦୀମ 2018ଠାରୁ ଆତଙ୍କବାଦୀ କାର୍ଯ୍ୟକଳାପରେ ଜଡିତ ଥିଲା ଏବଂ ଜାମ୍ମୁ କାଶ୍ମୀର ପୋଲିସ ତାର ଗିରଫଦାରୀକୁ ବଡ ସଫଳତା ବୋଲି କହିଛି ।
ସେପଟେ ସୋମବାର ସୋମବାର ଜମ୍ମୁର ମିଲିଟାରୀ ଷ୍ଟେସନ ଉପରେ ଦୁଇଟି ସନ୍ଦିଗ୍ଧ ଡ୍ରୋନ ଉଡୁଥିବା ଦେଖି ଏହା ଉପରକୁ ଗୁଳି ଚଳାଇଥିଲେ ଯବାନ । 27 ଓ 28 ଜୁନ ରାତିରେ ଦୁଇଟି ଭିନ୍ନ ଭିନ୍ନ ଡ୍ରୋନ୍ ଦେଖିବାକୁ ମିଳିଥିଲା । ଘଟଣା ପରେ ହାଇ ଆଲର୍ଟ ଘୋଷଣା କରାଯାଇଛି । କାଶ୍ମୀରରେ ସୁରକ୍ଷା ବାହିନୀ ବର୍ତ୍ତମାନ ହାଇ ଆଲର୍ଟରେ ଅଛନ୍ତି।
