ପାଟଣା: RJD ସୁପ୍ରିମୋ ଲାଲୁ ପ୍ରସାଦ ଯାଦବ ଗୁରୁତର । ନିଜ ଘରେ ସିଡ଼ିରେ ଚଢୁଥିବାବେଳେ ଖସି ପଡ଼ିବାରୁ ତାଙ୍କର ହାତ ଭାଙ୍ଗି ଯାଇଥିବା ସୂଚନା ମିଳିଛି । ସଙ୍ଗେସଙ୍ଗେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ସେଠାରେ ଏମଆରଆଇ କରିବା ପରେ ତାଙ୍କର ଡାହାଣ କାନ୍ଧ ଓ ଅଣ୍ଟାରେ ଗଭୀର ଆଘାତ ଲାଗିଥିବା ଜଣା ପଡ଼ିଛି ।
ବିହାରର ରାଷ୍ଟ୍ରୀୟ ଜନତା ଦଳର ସୁପ୍ରିମୋ ଲାଲୁ ପ୍ରସାଦ ଯାଦବ ପୂର୍ବରୁ କିଡନି ସହିତ ଅନ୍ୟାନ୍ୟ ରୋଗରେ ମଧ୍ୟ ପୀଡ଼ିତ ଅଛନ୍ତି । କିଡନି ପ୍ରତିରୋପଣ ପାଇଁ ସେ ସିଙ୍ଗାପୁର ଯିବାକୁ ଯୋଜନା ରହିଛି । ତେବେ ସେ ଗୋଖାଦ୍ୟ ଦୁର୍ନୀତିରେ ଦୋଷୀ ସାବ୍ୟସ୍ତ ହୋଇ ଜେଲରେ ରହିଥିବା ବେଳେ କିଡନି ପ୍ରତିରୋପଣ ପାଇଁ କୋର୍ଟରେ ଜାମିନ ମଞ୍ଜୁର ହେବାରୁ ଦିଲ୍ଲୀରୁ ପାଟଣା ଆସିଥିଲେ । ତେବେ ଏଭଳି ପରିସ୍ଥିତିରେ ଲାଲୁଙ୍କ ସମର୍ଥକଙ୍କ ମହଲରେ ଚିନ୍ତାର ବାତାବରଣ ଦେଖା ଦେଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
