ଶିମଲା: ଚର୍ଚ୍ଚିତ ଅଭିନେତ୍ରୀ କଙ୍ଗନା ରାଣାୱତ 2024 ସାଧାରଣ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଥିବା ନେଇ ଚାଲିଥିବା ଚର୍ଚ୍ଚା ମଧ୍ୟରେ ତାଙ୍କ ବାପାଙ୍କର ଏକ ବଡ଼ ବୟାନ ସାମ୍ନାକୁ ଆସିଛି । କଙ୍ଗନାଙ୍କ ବାପା ଏହି ଚର୍ଚ୍ଚାକୁ ଆଉ ଟିକେ ବଢାଇଛନ୍ତି । କଙ୍ଗନାଙ୍କ ବାପା ଅମରଦୀପ ରାଣାଓ୍ବାତ ସ୍ପଷ୍ଟ କରିଛନ୍ତି ଯେ କଙ୍ଗନା କେବଳ ଭାରତୀୟ ଜନତା ପାର୍ଟି (ବିଜେପି) ଟିକେଟରେ ହିଁ ନିର୍ବାଚନ ଲଢିବେ । କିନ୍ତୁ ସେ କେଉଁ ଆସନରୁ ନିର୍ବାଚନ ଲଢିବେ, ତାହା କେବଳ ଦଳର ନେତୃତ୍ୱ ନିଷ୍ପତ୍ତି ନେବେ । ତେବେ ଏହି ଚର୍ଚ୍ଚା ମଧ୍ୟରେ କଙ୍ଗନାର ପିତାଙ୍କ ଏହି ବିବୃତ୍ତି ପ୍ରାୟ ନିଶ୍ଚିତ କରିଛି ଯେ କଙ୍ଗନା ରାଣାୱତ 2024ରେ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି ।
ସୂଚନାଯୋଗ୍ୟ ଯେ କିଛି ଦିନ ପୂର୍ବରୁ ଗୁଜୁରାଟର ଦ୍ୱାରକାଠାରେ ଗଣମାଧ୍ୟମ ନିକଟରେ ପ୍ରତିକ୍ରିୟା ରଖିବା ବେଳେ କଙ୍ଗନା ରାଣାଓ୍ବତ ସ୍ପଷ୍ଟ କରିଥିଲେ ଯେ ଯଦି ଭଗବାନ ଆଶୀର୍ବାଦ ଦିଅନ୍ତି, ତେବେ ସେ ନିଶ୍ଚିତ ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ। ଏହା ପରେ କଙ୍ଗନା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ନେଇ ଖବର ରାଜନୈତିକ ମହଲରେ ଚର୍ଚ୍ଚା ହୋଇଥିଲା । ନିର୍ବାଚନ ପାଖଉଥିବା ବେଳେ ଅନ୍ୟ ଏକ ଘଟଣା ମଧ୍ୟ ଏହି ଚର୍ଚ୍ଚାକୁ ଆଉ ଟିକେ ବଢାଇଥିଲା । ଦୁଇ ଦିନ ପୂର୍ବେ କଙ୍ଗନା କୁଲୁରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନାଡାଙ୍କୁ ମଧ୍ୟ ଭେଟିଥିଲେ । ଏହି ବୈଠକ ପରେ କଙ୍ଗନା ନିର୍ବାଚନରେ ପ୍ରତିଦ୍ୱନ୍ଦ୍ୱିତା ବିଷୟରେ ଚର୍ଚ୍ଚା ଅଧିକ ବଢିଥିଲା । ଏହି ସମୟ ମଧ୍ୟରେ କଙ୍ଗନାଙ୍କ ବାପା ଅମରଦୀପ ଗଣମାଧ୍ୟମକୁ ବିବୃତ୍ତି ଦେଇଛନ୍ତି ଯେ ତାଙ୍କ ଝିଅ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛି । ସେ କେବଳ ବିଜେପି ଟିକେଟରେ ନିର୍ବାଚନ ଲଢିବେ ବୋଲି ସେ ନିଶ୍ଚିତ କରିଛନ୍ତି । ତେବେ ସେ ଆସନରୁ ଟିକେଟ ପାଇବେ କେବଳ ପାର୍ଟି ହାଇକମାଣ୍ଡ ନିଷ୍ପତ୍ତି ନେବେ ବୋଲି କଙ୍ଗାନାଙ୍କ ବାପା କହିଛନ୍ତି ।
ଏହା ମଧ୍ୟ ପଢନ୍ତୁ :- ସଂସଦ ସୁରକ୍ଷା ବିଭ୍ରାଟ: ମାଷ୍ଟରମାଇଣ୍ଡ ଲଳିତ ଘରେ ATS ଓ ଦିଲ୍ଲୀ ପୋଲିସର ଛାନଭିନ
ପୂର୍ବରୁ ମୋଦି ସରକାର ଓ ଆରଏସଏସକୁ ସମର୍ଥନ କରି କଙ୍ଗନା ରାଣାଓ୍ବତ ଅନେକ ଥର ବିବୃତ୍ତି ଦେଇଛନ୍ତି । ଏହି ବିବୃତ୍ତି ପାଇଁ ସେ ଅନେକ ଥର ବିରୋଧୀଙ୍କ ଆକ୍ରୋଶର ଶିକାର ମଧ୍ୟ ହୋଇଛନ୍ତି । ସୋସିଆଲ ମିଡିଆରେ ମଧ୍ୟ ତାଙ୍କୁ ଟ୍ରୋଲ କରାଯାଇଛି । କିଛି ଦିନ ପୂର୍ବରୁ ହିମାଚଳ ପ୍ରଦେଶର ବିଲାସପୁରରେ ଆୟୋଜିତ ଏକ କାର୍ଯ୍ୟକ୍ରମରେ କଙ୍ଗନା ଆରଏସଏସ ଏବଂ ମୋଦି ସରକାରଙ୍କୁ ପ୍ରଶଂସା କରିଥିଲେ । ଯାହା ସେତେବେଳେ ଚର୍ଚ୍ଚାର ପରିସରକୁ ଆସିଥିଲେ । ପ୍ରାୟ ସମସ୍ତ ରାଜନୈତିକ ପ୍ରସଙ୍ଗରେ କଙ୍ଗନାଙ୍କ ଟ୍ବିଟ୍ ପ୍ରାୟତଃ ଦେଖିବାକୁ ମିଳିଥାଏ ।
ବ୍ଯୁରୋ ରିପୋର୍ଟ, ଇଟିଭି ଭାରତ
