ପାନାଜୀ: ଗୋଆ କଂଗ୍ରେସ ଦଳରେ ଫାଟ । ହାତ ଛାଡି ବିଜେପିରେ ମିଶିପାରନ୍ତି କଂଗ୍ରେସର ୯ ଜଣ ବିଧାୟକ । ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଦିଗମ୍ବର କାମାତ, ବିରୋଧି ଦଳ ନେତା ମାଇକେଲ ଲୋବୋ ଏବଂ ଦଳର ଅନ୍ୟ କେତେକ ବିଧାୟକ ଖୁବଶୀଘ୍ର ବିଜେପିରେ ଯୋଗ ଦେବେ ବୋଲି ଏବେ ଚର୍ଚ୍ଚା ଜୋର ଧରିଛି । ଏଥିପାଇଁ ଅସନ୍ତୁଷ୍ଟ କଂଗ୍ରେସ ବିଧାୟକମାନେ ବିଜେପିର କେନ୍ଦ୍ରୀୟ ନେତୃବୃନ୍ଦଙ୍କ ସହ ଯୋଗାଯୋଗରେ ଥିବା ସୂଚନା ମିଳିଛି । ଯେକୌଣସି ସମୟରେ ଏହି ବିଧାୟକମାନେ ବିଜେପିରେ ଯୋଗ ଦେଇପାରନ୍ତି । କେବଳ ସେମାନେ ଦଳର କେନ୍ଦ୍ରୀୟ ନେତୃବୃନ୍ଦଙ୍କ ସ୍ବିକୃତୀକୁ ଅପେକ୍ଷା କରିଥିବା ଜଣେ ବିଧାୟକ କହିଛନ୍ତି ।
ଅନ୍ୟପଟେ ଗୋଆ କଂଗ୍ରେସ ପକ୍ଷରୁ ଏହି ଚର୍ଚ୍ଚାକୁ ଖଣ୍ଡନ କରାଯାଇଛି । ଦଳରେ କୌଣସ ପ୍ରକାର କନ୍ଦଳ ନାହିଁ । ଶାସକ ବିଜେପି ଦ୍ବାରା ଏହିସବୁ ଗୁଜବ ପ୍ରଚାର କରାଯାଉଥିବା ଦଳର ଗୋଆ ୟୁନିଟି ମୁଖ୍ୟ ଅମିତ ପଟକର(Amit Patkar) କହିଛନ୍ତି । ଉଲ୍ଲେଖଯୋଗ୍ୟ, ୪୦ ଆସନ ବିଶିଷ୍ଟ ଗୋଆ ବିଧାନସଭାରେ କଂଗ୍ରେସର ୧୧ ଜଣ ବିଧାୟକ ଅଛନ୍ତି । ସେହିପରି ୨୦ ଜଣ ଶାସକ ବିଜେପି ଦଳର ବିଧାୟକ ରହିଥିବା ବେଳେ ୨ ଏମଜିପି ଏବଂ ୩ ଜଣ ସ୍ବାଧୀନ ବିଧାୟକଙ୍କ ସମର୍ଥନରେ ବିଜେପି ଦଳ ସରକାରରେ ରହିଛି ।
