ରାଞ୍ଚି: ଝାଡ଼ଖଣ୍ଡର ଅଲବର୍ଟ ଛକ ନିକଟରେ ସ୍ଥାନୀୟ ଲୋକଙ୍କ ଆକ୍ରୋଶର ଶିକାର ହୋଇଛନ୍ତି ମଦ୍ୟପ ପୋଲିସ ତଥା PCR ଫରେଷ୍ଟର ଜଣେ ଯବାନ । ସେ ନିଶାଶକ୍ତ ହୋଇ ରାସ୍ତାରେ ଯାଉଥିବା ଲୋକଙ୍କ ସମେତ ଫଳ ବିକୁଥିବା ମହିଳାଙ୍କୁ ଖରାପ ଆଚରଣ କରିଥିଲେ । ଏହାପରେ ସ୍ଥାନୀୟ ଲୋକେ ତାଙ୍କୁ ମାଡ଼ ମାରିଥିବା ଜଣାପଡ଼ିଛି ।
ଉକ୍ତ ଯବାନଙ୍କ ନାମ ହର୍ଣ୍ଣିଅସ ଡୁଙ୍ଗଡୁଙ୍ଗ ବୋଲି ଜଣାପଡ଼ିଛି । ସେ ଗତ ସୋମବାର ଅଲବର୍ଟ ଛକ ନିକଟରେ ଏଭଳି ଖରାପ ଆଚରଣ କରିଥିଲେ । ସେ ରାସ୍ତାରେ ଯାଉଥିବା ଲୋକଙ୍କୁ ଶାରୀରିକ ନିର୍ଯାତନା ଦେବା ସହ ଫଳ ବିକୁଥିବା ମହିଳାଙ୍କୁ ଦୁର୍ବବ୍ୟବାର କରିଥିଲେ । ଫଳରେ ସ୍ଥାନୀୟ ଅଞ୍ଚଳରେ ଅଶୋଭନୀୟ ପରିସ୍ଥିତି ସୃଷ୍ଟି କରିଥିଲେ । ଏହାପରେ ସ୍ଥାନୀୟ ଲୋକେ ତାଙ୍କୁ ଅଟକାଇବା ପାଇଁ ଚେଷ୍ଟା କରିବା ପରେ ସେ ତାଙ୍କୁ ମଧ୍ୟ ମାଡ଼ ମାରିବାକୁ ଚେଷ୍ଟା କରିଥିଲେ । ଏହାପରେ ଲୋକମାନେ ତାଙ୍କୁ ତଳେ ଠେଲି ଦେଇଥିବା ମଧ୍ୟ ଦେଖିବାକୁ ମିଳିଛି ।
ଏ ସମ୍ପର୍କରେ କୋଠୱାଲି ପୋଲିସ ସୂଚନା ପାଇବା ପରେ ମଦ୍ୟପ ଯବାନଙ୍କୁ ଉଦ୍ଧାର କରି ପୋଲିସ ଷ୍ଟେସନକୁ ଆଣିଥିଲା । ପୋଲିସ ଷ୍ଟେସନରେ ମଧ୍ୟ ଯବାନ ଜଣକ ଖରାପ ଆଚରଣ କରିବାରୁ ପୋଲିସ ତାଙ୍କୁ ପିସ୍ତଲ ଦେଖାଇ ଚୁପ ରହିବାକୁ କହିଥିଲା । ଏହାପରେ ଷ୍ଟେସନ ଇନଚାର୍ଜ ବରିଷ୍ଠ ଏସପି ସୁରେନ୍ଦ୍ର କୁମାର ଝାଙ୍କୁ ଖବର ଦେଇଥିଲେ । ଏହାପରେ ଏସପି ତାଙ୍କୁ ଚାକିରିରୁ ବହିଷ୍କାର କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
