ଶ୍ରୀନଗର: ଦକ୍ଷିଣ କାଶ୍ମୀରର ସୋପିଆନ ଜିଲ୍ଲାରେ ଜାରି ରହିଥିବା ଏନକାଉଣ୍ଟର (Shopian encounter) ରେ ସୁରକ୍ଷାବଳକୁ ବଡ ସଫଳତା ମିଳିଛି । ଏହି ଏନକାଉଣ୍ଟରେ ଦୁଇ ଆତଙ୍କୀଙ୍କୁ ସଫା କରିବାରେ କୋର୍ଟ ପାରିବାରିକ ବିବାଦର ଶୁଣାଣି କରି ଯବାନମାନେ ସଫଳ ହୋଇଛନ୍ତି । ଦୁଇ ଆତଙ୍କୀଙ୍କ ପରିଚୟ ସ୍ପଷ୍ଟ କରିନି ପୋଲିସ । ବର୍ତ୍ତମାନ ସୁଦ୍ଧା ମଧ୍ୟ ଅପରେସନ ଜାରି ରହିଛି । ଉକ୍ତ ସ୍ଥାନରେ ଆତଙ୍କବାଦୀଙ୍କ ଗତିବିଧି ନେଇ ଗୁଇନ୍ଦା ସୂଚନା ମିଳିବା ପରେ ସ୍ଥାନୀୟ ପୋଲିସ୍ ଓ ସୁରକ୍ଷାବଳର ଯବାନଙ୍କ ମିଳିତ ଟିମ ଅପେରେସନ ଆରମ୍ଭ କରିଥିଲା ।
-
#ShopianEncounterUpdate: 01 more #terrorist killed (Total 02). Both the killed #terrorists were affiliated with proscribed #terror outfit LeT. Search going on. Further details shall follow.@JmuKmrPolice https://t.co/8br5hipvHT
— Kashmir Zone Police (@KashmirPolice) August 30, 2022 " class="align-text-top noRightClick twitterSection" data="
">#ShopianEncounterUpdate: 01 more #terrorist killed (Total 02). Both the killed #terrorists were affiliated with proscribed #terror outfit LeT. Search going on. Further details shall follow.@JmuKmrPolice https://t.co/8br5hipvHT
— Kashmir Zone Police (@KashmirPolice) August 30, 2022#ShopianEncounterUpdate: 01 more #terrorist killed (Total 02). Both the killed #terrorists were affiliated with proscribed #terror outfit LeT. Search going on. Further details shall follow.@JmuKmrPolice https://t.co/8br5hipvHT
— Kashmir Zone Police (@KashmirPolice) August 30, 2022
ସମ୍ପୂର୍ଣ୍ଣ ସ୍ଥାନକୁ କର୍ଡନ କରି ସର୍ଚ୍ଚ ଅପରେସନ ଓ ପରେ ଆତଙ୍କୀଙ୍କ ଉପସ୍ଥିତି ସ୍ପଷ୍ଟ ହେବା ପରେ ଗୁଳି ବିନିୟମ ଆରମ୍ଭ ହୋଇଥିଲା । ଉଭୟ ପକ୍ଷରୁ ଗୁଳି ବିନିମୟରେ ଦୁଇ ଆତଙ୍କୀ ନିପାତ ହୋଇଥିବା ସ୍ପଷ୍ଟ ହୋଇଛି । ସୁରକ୍ଷା ବଳର କୌଣସି ଯବାନ ମଧ୍ୟ ଆହତ ହୋଇ ନଥିବା ଜଣାପଡିଛି । ଏବେ ମଧ୍ୟ ସୁରକ୍ଷା ବଳ ଅପରେସନ ଜାରି ରଖିଛି ।
ଏହା ମଧ୍ୟ ପଢନ୍ତୁ:-ଭାରତରେ ଅନୁପ୍ରେବଶ ଓ ଆକ୍ରମଣ ପାଇଁ ପାକିସ୍ତାନ ସେନା ଦେଇଥିଲା ଟଙ୍କା, ସ୍ୱୀକାର କଲା ଗିରଫ ଆତଙ୍କୀ
ଗତ କିଛି ଦିନ ମଧ୍ୟରେ ଘାଟିରେ ଆତଙ୍କୀ କାର୍ଯ୍ୟକଳାପ କ୍ରମାଗତ ବଢିବାରେ ଲାଗିଛି । ପୋଲିସ, ସୁରକ୍ଷାବଳର କ୍ୟାମ୍ପ ସହିତ ସାଧାରଣ ଜନତା ଓ ଅଣସ୍ଥାନୀୟଙ୍କୁ ଟାର୍ଗେଟ ହତ୍ୟା କରିବା ପାଇଁ ଆକ୍ରମଣ କରିବାରେ ଲାଗିଛନ୍ତି ଆତଙ୍କୀ । ସୁରକ୍ଷାବଳ ମଧ୍ୟ ସେମାନଙ୍କୁ ନିପାତ କରିବା ପାଇଁ ‘‘ଆଣ୍ଟି ଟେରର ଅପରେସନ’’କୁ ଜୋରଦାର କରିଛି । ନିକଟରେ ହୋଇଥିବା ଏକାଧିକ ଏନକାଉଣ୍ଟରରେ ମଧ୍ୟ ସୁରକ୍ଷାବଳକୁ କ୍ରମାଗତ ସଫଳତା ମିଳିଛି । କେତେବେଳେ ଆତଙ୍କୀଙ୍କୁ ନିପାତ ତ କେବେ ସେମାନଙ୍କୁ ଗିରଫ କରିବାରେ ସୁରକ୍ଷାବଳକୁ ସଫଳତା ମିଳିଛି । ଆଜି ଦୁଇ ଆତଙ୍କୀଙ୍କୁ ମଧ୍ୟ ସଫା କରିବାରେ ସୁରକ୍ଷାବଳ ସଫଳ ହୋଇଛି ।
ନିକଟରେ ଭାରତ-ପାକିସ୍ତାନ ଅନ୍ତର୍ଜାତୀୟ ସୀମା ନିକଟରେ ଭାରତୀୟ ପୋଷ୍ଟ ଉପରେ ଆକ୍ରମଣ ଉଦ୍ୟମ ସମ୍ପର୍କରେ ସେନା ଏକ ବଡ଼ ଖୁଲାସା କରିଥିଲା । ଭାରତୀୟ ପୋଷ୍ଟ ଉପରେ ଆକ୍ରମଣ ପାଇଁ ପାକିସ୍ତାନର ଜଣେ କର୍ଣ୍ଣେଲ ଜଣେ ଆତଙ୍କବାଦୀକୁ 30 ହଜାର ଟଙ୍କା ଦେଇ ପଠାଇଥିଲେ । ଏନେଇ ସୂଚନା ଦେଇଛି ସେନା ଦ୍ବାରା ଗିରଫ ହୋଇଥିବା ଜଣେ ଆତଙ୍କବାଦୀ । ଗିରଫ ଆତଙ୍କବାଦୀ ସେନା ଗୁଳିରେ ଆହତ ହେବା ପରେ ହସ୍ପିଟାଲରେ ଭର୍ତ୍ତି ହୋଇଥିଲା । ପାକିସ୍ତାନ ସେନା ତାକୁ ଭାରତ ପଠାଇଥିବା କଥା ପୋଲିସ ଓ ଗଣମାଧ୍ୟମ ସମ୍ମୁଖରେ ସ୍ବୀକାର ମଧ୍ୟ କରିଥିଲା । ପରେ ତାକୁ ମାନବୀୟ ଦୃଷ୍ଟିକୋଣରୁ ପାକିସ୍ତାନ ପଠାଇ ଦେଇଥିଲା ଭାରତୀୟ ସେନା ।
ଅଗଷ୍ଟ 21 ତାରିଖ ସକାଳେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା ସେନା । ନୋଶେରା ଅଞ୍ଚଳରେ ନିୟନ୍ତ୍ରଣ ରେଖା ନିକଟରେ ଦୁଇରୁ ତିନିଜଣ ଆତଙ୍କବାଦୀଙ୍କ ଗତିବିଧି ନେଇ ସୂଚନା ମିଳିଥିଲା । ଜଣେ ଆତଙ୍କବାଦୀକୁ ଗୁଳି କରାଯିବା ପରେ ଆହତ ଅବସ୍ଥାରେ କାବୁ କରାଯାଇଥିଲା । ପରେ ତା ଠାରୁ ଏହି ସୂଚନା ପାଇଥିଲା ସେନା ।
ବ୍ୟୁରୋ ରିପୋର୍ଟ, ଇଟିଭି ଭାରତ
