ଲକ୍ଷ୍ନୌ: ଉତ୍ତରପ୍ରଦେଶର ବହରାଇଚ ଜିଲ୍ଲାରେ ଥିବା ଇଣ୍ଡୋ-ନେପାଳ ସୀମାକୁ ଭାରତୀୟଙ୍କ ପାଇଁ ଦୀର୍ଘ 10 ମାସ ପରେ ଖୋଲା ଯାଇଛି । ନେପାଳକୁ ସ୍ଥଳମାର୍ଗରେ ପ୍ରବେଶ ପାଇଁ କେବଳ ଭାରତୀୟଙ୍କୁ ଅନୁମତି ମିଳିଥିବା ବେଳେ ଅନ୍ୟ ଦେଶର ନାଗରିକଙ୍କୁ ଅନୁମତି ମିଳିନାହିଁ । ତେବେ କୋରୋନା ମହାମାରୀ ପାଇଁ ନେପାଳ ସରକାର ଦେଶ ଭିତରକୁ ପ୍ରବେଶରେ କଟକଣା ଲଗାଇଥିଲେ ।
ବିଶ୍ବ କୋରୋନା ମହାମାରୀରେ ଆକ୍ରାନ୍ତ ହେବା ପରେ ଗତବର୍ଷ ମାର୍ଚ୍ଚ 23 ତାରିଖରୁ ନେପାଳ ସରକାର ଦେଶ ଭିତରକୁ ଅନ୍ୟ ଦେଶର ନାଗରିକଙ୍କ ପ୍ରବେଶରେ ପ୍ରତିବନ୍ଧକ ଲଗାଇଥିଲେ । ବର୍ତ୍ତମାନ ମଧ୍ୟ ଭାରତୀୟ ନାଗରିକଙ୍କ ବ୍ୟତୀତ ଅନ୍ୟ ଦେଶର ନାଗରିକଙ୍କ ପ୍ରବେଶକୁ ବାରଣ କରାଯାଇଛି । ନେପାଳରେ ଗତ ଗୁରୁବାର ଆୟୋଜିତ ହୋଇଥିବା ମନ୍ତ୍ରୀ ପରିଷଦ ବୈଠକରେ ଏହି ନିଷ୍ପତ୍ତି ନିଆଯାଇଛି ।
