ଚେନ୍ନାଇ: ଇରାନ ନାଗରିକଙ୍କ ସହ ଇରାନିଆନ ବୋଟକୁ ଜବତ କଲା ଭାରତୀୟ ନୌସେନା(Indian Navy) । ଏହି ଇରାନ ନାଗରିକମାନେ ଆଣ୍ଡାମାନ ଦ୍ବୀପପୁଞ୍ଜ ସୀମା ମଧ୍ୟକୁ ବେଆଇନ ଭାବେ ପ୍ରବେଶ କରିବାକୁ ଉଦ୍ୟମ କରୁଥିଲେ । ଏମାନଙ୍କୁ ଠାବ କରିବା ପରେ ଭାରତୀୟ ବାୟୁସେନା ଦ୍ବୀପପୁଞ୍ଜର ଇନ୍ଦିରା ପଏଣ୍ଟ ନିକଟରୁ ଛୋଟ ବୋଟ ସହିତ ଇରାନ ନାଗରିକଙ୍କୁ ଧରିବାରେ ସକ୍ଷମ ହୋଇଛି ।
ରିପୋର୍ଟ ଅନୁସାରେ ଭାରତୀୟ ନୌସେନା ମୋଟ ୯ଜଣ ନାଗରିକଙ୍କୁ ଅଟକ ରଖିଛି । ଏହାପରେ ବୋଟ ଗୁଡ଼ିକୁ ଜବତ କରି ଚେନ୍ନାଇ ବନ୍ଦର ନିକଟରୁ ଆଣିଛି ନୌସେନା । ଏଠାରେ ଅଧିକ ତଦନ୍ତ ଜାରି ରହିଛି । ସୂତ୍ର ଅନୁସାରେ ଚେନ୍ନାଇ ବନ୍ଦର ନିକଟରେ ଏହି ଭାରତୀୟ ସୀମାକୁ ବେଆଇନ ଭାବେ ପ୍ରବେଶ କରୁଥିବା ଇରାନ ନାଗରିକଙ୍କୁ ସେଣ୍ଟ୍ରାଲ ନାର୍କୋଟିକ୍ସ ଇଣ୍ଟେଲିଜେନ୍ସ ୟୁନିଟକୁ ହସ୍ତାନ୍ତର କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
