ମୁମ୍ବାଇ: ବିଶିଷ୍ଟ ଉଦ୍ୟୋଗପତି ମୁକେଶ ଅମ୍ବାନୀଙ୍କ ବାସଭବନ ଆଣ୍ଟିଲିଆ ବାହାରେ ବଢିଲା ସୁରକ୍ଷା ବ୍ୟବସ୍ଥା । ଘର ବାହାରେ ଦୁଇ ସନ୍ଦିଗ୍ଧ ନଜର ଆସିଥିବା ସୂଚନା ମିଳିବା ପରେ ସୁରକ୍ଷା ବ୍ୟବସ୍ଥାକୁ କଡାକିଡି କରିଛି ମହାରାଷ୍ଟ୍ର ପୋଲିସ ।
ମିଳିଥିବା ସୂଚନା ଅନୁସାରେ, ଆଣ୍ଟିଲିଆ ସମ୍ମୁଖରେ ଦୁଇ ଜଣ ବ୍ୟକ୍ତିଙ୍କୁ ସନ୍ଦେହଜନକ ଅବସ୍ଥାରେ ଦେଖିବାକୁ ପାଇ ପୋଲିସକୁ ଖବର ଦେଇଥିଲେ ଟ୍ୟାକ୍ସି ଡ୍ରାଇଭର । ସେମାନଙ୍କ ହାତରେ ବ୍ୟାଗ ଥିବା ମଧ୍ୟ ସୂଚନା ମିଳିଛି ।
ତେବେ ସୂଚନା ଆଧାରରେ ପୋଲିସ ଘଟଣାସ୍ଥଳରେ ପହଞ୍ଚିଛି । ସନ୍ଦିଗ୍ଧଙ୍କ ସମ୍ପର୍କରେ କିଛି ଅଧିକ ସୂଚନା ମିଳିପାରି ନଥିବାବେଳେ ସମ୍ପୃକ୍ତ ଟ୍ଯାକ୍ସି ଡ୍ରାଇଭରଙ୍କ ମଧ୍ୟ ବୟାନ ରେକର୍ଡ କରିଛି ପୋଲିସ ।
ତେବେ ଗତକିଛି ମାସ ହେବ ଚର୍ଚ୍ଚାରେ ଥିବା ଆଣ୍ଟିଲିଆରେ ପୁଣି ସୁରକ୍ଷା ବ୍ୟବସ୍ଥାକୁ ବୃଦ୍ଧି କରାଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
