ମୁମ୍ବାଇ: ପୁଳା ପୁଳା ଟଙ୍କା । ଥାକ ମରା ହୋଇ ରହିଛି ଟଙ୍କା ବିଡା । ଏତେ ପରିମାଣର ଟଙ୍କା ବିଡା ଦେଖି ତାଜୁବ ଆୟକର ଅଧିକାରୀ । ଜାଣି ଆଶ୍ଚର୍ଯ୍ୟ ହେବେ ଏ ଟଙ୍କା ବିଡା ଜଣେ ଷ୍ଟିଲ କମ୍ପାନୀ ମାଲିକଙ୍କର । ମହାରାଷ୍ଟ୍ର ଜଲନାରେ ଜଣେ ଷ୍ଟିଲ କମ୍ପାନୀ ମାଲିକଙ୍କ ଘର ଓ କାରଖାନାରେ ଆୟକର ବିଭାଗ ଚଢାଉ କରିଥିଲା । ଚଢାଉରେ 58 କୋଟି ନଗଦ ଟଙ୍କା, 32 କିଲୋ ସୁନା ଜବତ ହୋଇଛି । ଜବତ ଟଙ୍କା ଗଣିବାକୁ ଆୟକର ବିଭାଗରୁ 13 ଘଣ୍ଟା ସମୟ ଲାଗିଥିଲା । ମୋଟ 390କୋଟି ବେନାମୀ ସମ୍ପତ୍ତି ଜବତ ହୋଇଛି ।
ଜବତ ସୁନାରେ 16 କୋଟିର ହୀରା ଅଳଙ୍କାର ରହିଛି । ଏହା ସହ ଜେମଷ୍ଟୋନ ମଧ୍ୟ ରହିଛି । କିଛି ଗୁରୁତ୍ବପୂର୍ଣ୍ଣ ଦସ୍ତାବିଜ ମଧ୍ୟ ଜବତ କରିଛି ଆୟକର ବିଭାଗ । ଏତେ ପରିଣାର ସମ୍ପତ୍ତି କେଉଁଠୁ ଆସିଲା ତାର ଖୋଳତାଡ ଜାରି ରହିଛି ।
