ମୁମ୍ବାଇ: ଅଗ୍ନିପଥ ଯୋଜନାକୁ(Agnipath scheem) ନେଇ ଦେଶର ବିଭିନ୍ନ ରାଜ୍ୟର ଜାରି ରହିଛି ହିଂସା । ତେଲେଙ୍ଗାନା, ବିହାର ଓ ଉତ୍ତରପ୍ରଦେଶରେ ବିରୋଧ ପ୍ରଦର୍ଶନ କରିଥିବା ଆନ୍ଦୋଳନକାରୀଙ୍କୁ ତିବ୍ର ନିନ୍ଦା କରିଛନ୍ତି କେନ୍ଦ୍ରମନ୍ତ୍ରୀ ତଥା ପୂର୍ବତନ ସେନା ମୁଖ୍ୟ ଭିକେ ସିଂ । ମହାରାଷ୍ଟ୍ରର ନାଗପୁରରେ ଏକ ଗଣମାଧ୍ୟମରେ ପ୍ରତିକ୍ରିୟା ରଖି ସିଂ କହିଛନ୍ତି ଯେ, "ଭାରତୀୟ ସେନା ସୈନିକଙ୍କୁ ଭର୍ତ୍ତି କରେ ନାହିଁ, ଯିଏ ଏଥିପ୍ରତି ଇଚ୍ଛୁକ ସେମାନେ ସାମିଲ ହୋଇପାରିବେ । ଏଥିପାଇଁ କାହାକୁ ବାଧ୍ୟକରାଯିବ ନାହିଁ । ଯେଉଁମାନଙ୍କୁ ଅଗ୍ନିପଥ ଯୋଜନା ପସନ୍ଦ ନୁହଁ, ସେମାନେ ସେନାରେ ଭର୍ତ୍ତି ହେବା ଦରକାର ନାହିଁ । ଆପଣଙ୍କୁ କେହି ଆସିବାକୁ କହିନାହାନ୍ତି, ଆପଣ ବସ୍ ଓ ଟ୍ରେନରେ ନିଆଁ ଲଗାଉଛନ୍ତି, ଆପଣଙ୍କୁ କିଏ କହୁଛି ସେନାରେ ଭର୍ତ୍ତି ହେବା ପାଇଁ ।"
କାରଣ ଭର୍ତ୍ତି ହେବା ପୂର୍ବରୁ ବିଭିନ୍ନ ମାନଦଣ୍ଡ ପୂରଣ କରିବାକୁ ପଡେ ବୋଲି କହିଛନ୍ତି ଭିକେ ସିଂ । ଅନ୍ୟପଟେ କଂଗ୍ରେସର ଗଣମାଧ୍ୟମ ବିଭାଗର ଅଧ୍ୟକ୍ଷ ପଓ୍ବନ ଖେରା କହିଛନ୍ତି ଯେ, ନିଜର ଅବସର ସ୍ଥଗିତ ରଖିବାକୁ କୋର୍ଟକୁ ଯାଉଛନ୍ତି । କିନ୍ତୁ ସେ ଯୁବକଙ୍କୁ 23 ବର୍ଷରେ ଅବସର ନେବାକୁ କହୁଛନ୍ତି । ତେବେ ଅଗ୍ନିପଥ ଯୋଜନା ସେନା ଓ ଯୁବକଙ୍କ ପଥଭ୍ରଷ୍ଟ କରିବ ବୋଲି ଦିଲ୍ଲୀରେ ମନ୍ତବ୍ୟ ଦେଇଥିଲେ ପ୍ରିୟଙ୍କା ଗାନ୍ଧୀ ।
ଏହି ବୟାନ ପରେ ଭିକେ ସିଂଙ୍କ ଏପରି ପ୍ରତିକ୍ରିୟା ରଖିଛନ୍ତି । ସେ କଂଗ୍ରେସକୁ ଟାର୍ଗେଟ କରି କହିଛନ୍ତି ଯେ, କଂଗ୍ରେସ ଏକ ପୁରୁଣା ଦଳ ହୋଇ ମଧ୍ୟ ସରକାରୀ ଯୋଜନାର ଭୁଲ ବାହାର କରୁଛି । କାହିଁକିନା ରାହୁଲ ଗାନ୍ଧୀଙ୍କୁ ଏବେ ଇଡି ପଚାରାଉଚରା କରୁଛି । ତେଣୁ କଂଗ୍ରେସ ଦେଶର ସର୍ବୋତ୍ତମ ସେବାରେ ଭୁଲ ଖୋଜୁଛି । ସେମାନଙ୍କ କାମ ହେଉଛି ସରକାରୀ ଯୋଜନାକୁ ସମାଲୋଚନା କରିବା ଓ ସରକାରଙ୍କୁ ବଦନାମ କରି ଅଶାନ୍ତି ସୃଷ୍ଟି କରିବା ।
