ଲକ୍ଷ୍ନୌ: କୋରୋନା ପରେ ଚିନ୍ତା ବଢାଇଲା ଜିକା ଭାଇରସ । ଉତ୍ତରପ୍ରଦେଶର କାନପୁରରେ ପ୍ରଥମ ଜିକା ଭାଇରସ ଆକ୍ରାନ୍ତ ଚିହ୍ନଟ ହୋଇଛି । ଜଣେ ବାୟୁସେନା ଅଧିକାରୀ ଜିକା ଭାଇରସରେ ଆକ୍ରାନ୍ତ ହୋଇଛନ୍ତି । ଗତ ସପ୍ତାହ ହେଲା ସେ ଜ୍ବରରେ ଆକ୍ରାନ୍ତ ହୋଇଥିଲେ । ଟେଷ୍ଟ ପରେ ଶନିବାର ତାଙ୍କ ରିପୋର୍ଟ ପଜିଟିଭ ଆସିଛି ।
ଆକ୍ରାନ୍ତ ବ୍ୟକ୍ତି ଜଣେ IAF ଅଫିସର । ତାଙ୍କୁ ଏୟାରଫୋର୍ସ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ଜିକା ଭାଇରସ ଲକ୍ଷଣ ଦେଖାଯିବା ପରେ ତାଙ୍କ ରକ୍ତ ନମୂନା ସଂଗ୍ରହ କରି ଟେଷ୍ଟ ପାଇଁ ପୁଣେ ପଠାଯାଇଥିଲା । ଶନିବାର ରିପୋର୍ଟ ପଜିଟିଭ ଆସିଛି । ପରେ ଏହି ଅଧିକାରୀଙ୍କ ସଂସ୍ପର୍ଶରେ ଆସିଥିବା ଲୋକଙ୍କ ରକ୍ତ ନମୂନା ମଧ୍ୟ ସଂଗ୍ରହ କରି ଟେଷ୍ଟ ପାଇଁ ପଠାଯାଇଛି ।
ବର୍ତ୍ତମାନ 10 ଜଣିଆ ଡାକ୍ତର ଟିମ୍ ତାଙ୍କର ଚିକିତ୍ସା ଜାରି ରଖିଛନ୍ତି । ଏପଟେ ରାଜ୍ୟରେ ପ୍ରଥମ ଜିକା ଭାଇରସ ମାମଲା ସାମ୍ନାକୁ ଆସିବା ପରେ ଲୋକଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
