ଚେନ୍ନାଇ: ବୁଧବାର ଦୁର୍ଘଟଣାଗ୍ରସ୍ତ ହୋଇଥିବା MI 17V5 ହେଲିକପ୍ଟରର ମିଳିଲା ବ୍ଲାକ୍ସ ବକ୍ସ । ଗତକାଲି ଦୁର୍ଘଟଣା ପରେ IAF ଆଜି କୁନ୍ନୁର ଅଞ୍ଚଳରୁ ବ୍ଲାକ ବକ୍ସକୁ ଠାବ କରିଛି । ଏହି ଦୁର୍ଘଟଣାରେ CDS ବିପିନ ରାୱତଙ୍କ ସମେତ ୧୩ ଜଣଙ୍କ ମୃତ୍ୟୁ ଘଟିଛି ।
କହିରଖୁଛୁ କି, ବ୍ଲାକ ବକ୍ସ କୌଣସି ବିମାନର ଗୁରୁତ୍ବପୂର୍ଣ୍ଣ ଅଂଶ ଅଟେ । ଏହି ଉପକରଣ ଉଡାଣ ସମୟରେ ବିମାନର ସମସ୍ତ ପ୍ରକାର ଗିତିବିଧିକୁ ରେକର୍ଡ କରିଥାଏ ।
ଏହାମଧ୍ୟ ପଢନ୍ତୁ:CDS Chopper Mishap: ପରଲୋକରେ ଦେଶର ପ୍ରଥମ CDS ବିପିନ ରାୱତ
ଉଲ୍ଲେଖଯୋଗ୍ୟ, ବୁଧବାର ତାମିଲନାଡୁ କୋଏମ୍ବଟୁର ଓ ସୁଲୁର ମଝିରେ ହେଲିକପ୍ଟର ଦୁର୍ଘଟଣା ଘଟିଥିଲା । ଦୁର୍ଘଟଣାଟି ଏତେ ଭୟଙ୍କର ଥିଲା ଯେ ହେଲିକପ୍ଟରଟି ସମ୍ପୂର୍ଣ୍ଣ ଜଳି ଯାଇଥିଲା । ଉକ୍ତ Mi-17V5 ହେଲିକପ୍ଟରରେ ସିଡିଏସ ବିପିନ୍ ରାୱତଙ୍କ ସହ ପରିବାର ସଦସ୍ୟ ଯାତ୍ରା କରୁଥିଲେ । ଦୁର୍ଘଟଣା ପରେ ଘଟଣାସ୍ଥଳରୁ ଗୁରୁତର ଅବସ୍ଥାରେ ବିପିନ ରାୱତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ହେଲେ ଚିକିତ୍ସାଧିନ ଅବସ୍ଥାରେ ସେ ଆଖି ବୁଜିଥିଲେ । ବିପିନ ରାୱତଙ୍କ ସମେତ ମୋଟ ୧୩ ଜଣଙ୍କ ଏହି ଦୁର୍ଘଟଣାରେ ମୃତ୍ୟୁ ଘଟିଛି ।
ଏହାମଧ୍ୟ ପଢନ୍ତୁ:CDS Helicopter Mishap: ବୀରତ୍ବକୁ ମନେପକାଇ ଝୁରୁଛି ଦେଶ, ଝରୁଛି ଲୁହ
ବ୍ୟୁରୋ ରିପୋର୍ଟ, ଇଟିଭି ଭାରତ
