ଇଟାନଗର: ଯାନ୍ତ୍ରିକ ତ୍ରୁଟି କାରଣରୁ କ୍ରାସ ଲ୍ୟାଣ୍ଡଂ କଲା ଭାରତୀୟ ବାୟୁସେନାର MI-୧୭ ହେଲିକପ୍ଟର । ହେଲିକପ୍ଟରରେ ୨ ପାଇଲଟଙ୍କ ସମେତ ମୋଟ ୫ଜଣ ଥିବାବେଳେ ସମସ୍ତେ ସୁରକ୍ଷିତ ଥିବା ସୂଚନା ମିଳିଛି ।
ମିଳିଥିବା ସୂଚନା ଅନୁସାରେ, ପୂର୍ବ ଅରୁଣାଞ୍ଚଳ ପ୍ରଦେଶରେ ଏହି ଘଟଣା ଘଟିଛି । ବାୟୁସେନାର ଏହି ହେଲିକପ୍ଟରଟି ଆଉଟ ଏୟାର ମେଟେନାନ୍ସ ସାମଗ୍ରୀ ନେଇ ଯାତ୍ରା କରୁଥିଲା । ଏଥିରେ ୨ ପାଇଲଟ ଓ ଅନ୍ୟ ୩କ୍ର୍ୟୁ ମେମ୍ବରଙ୍କୁ ମିଶାଇ ମୋଟ ୫ ଜଣ ଥିଲେ । ହେଲେ ଯାନ୍ତ୍ରିକ ତ୍ରୁଟି କାରଣରୁ ହେଲିକପ୍ଟରଟି କ୍ରାସ ଲ୍ୟାଣ୍ଡିଂ କରିଥିବା ବେଳେ କୌଣସି କ୍ଷୟକ୍ଷତି ହୋଇନଥିବା ଜଣାପଡିଛି ।
ତେବେ କେଉଁ କାରଣରୁ ହେଲିକପ୍ଟରରେ ଯାନ୍ତ୍ରିକ ତ୍ରୁଟି ଦେଖାଗଲା ତାହା ସ୍ପଷ୍ଟ ହୋଇ ନଥିବାବେଳେ, ଏହାର ତଦନ୍ତ ନିର୍ଦ୍ଦେଶ ଦେଇଛି ବାୟୁ ସେନା ।
ବ୍ୟୁରୋ ରିପୋର୍ଟ, ଇଟିଭି ଭାରତ
